သင်ခန်းစာ (၇)
'' ...ထိုသူတို့၏အမှုကို ကိုယ်တော်သည် စေါင့်လျက်၊ ကာလအစဉ် အသက်ရှင်သောကြောင့်၊ သူတို့ကို ကယ်တင်ခြင်းငှါ တတ်နိုင်တော်မူ၏''ဟုဆိုသည်။(ဟေဗြဲ၊ ၇း၂၅)
ချစ်သော မိတ်ဆွေ၊
ကျွန်ုပ်တို့သည် သခင်ယေရှု၏လက်ဝါးကပ်တိုင်ပေါ် ကယ်တင်သောအရှင်အဖြစ် အသေခံခဲ့သော အချိန်ကာလကို နောက်သို့ ကြည့်မြင်နိုင်ပါသည်။ သူသည် ဤမြေပေါ်သို့ ကျွန်ုပ်တို့၏ ဘုရင်အဖြစ် အုပ်စိုးရန် ပြန်လာမည့်အချိန်ကို ရှေ့သို့မြော် ကြည့်နိုင်ပါသည်။ ဤအကြောင်းအရာ၌ သခင်ယေရှု၏ ပစ္စုန်ပန်ကာလ အမှုတော်ဆောင်ခြင်း အကြောင်းကို ကျွန်ုပ်တို့ စဉ်းစားကြမည်။
ယေရှုသည် ကျွန်ုပ်တို့၏ ကိုယ်စားပြု အမှုဆောင်သူ ဖြစ်သည်
ယခုကာလ၌ သခင်ယေရှု ဘာပြုလုပ်နေပါသနည်း။ သူသည် ကျွန်ုပ်တို့အတွက် ဆုတောင်း ပေးနေပါသည်။ ကျမ်းစာ၌ ယေရှုသည် ကျွန်ုပ်တို့၏ ကြီးမြတ်တော်မူသော ကိုယ်စားပြုအမှုဆောင်သူဟု ပြောဆိုထားပါသည်။ ကိုယ်စား ပြုအမှုဆောင်သူ သည် အခြားသော သူများ အတွက် ဆုတောင်းပေးနေသော သူ တစ်ဦးဖြစ်သည်။ ဤသည်ကား ယခု သခင်ယေရှုပြုနေသော အမှု ဖြစ်သည်။ သူသည် ကောင်းကင်ဘုံ၌ သူ့ကို ယုံကြည်သောသူ အားလုံးတို့အတွက် ဆုတောင်းပေးနေသည်။
ကျမ်းစာ၌ သူတပါးတို့အတွက် ဆုတောင်းပေးခဲ့ကြသော ကြီးမြတ်သော လူများ ရှိခဲ့ပါသည်။ သူတို့သည် ဘုရားသခင်နှင့်အတူ သူတို့၏လူမျိုးများအတွက် ဆုတောင်းခဲ့ကြ၏။ တခါတရံ သူတို့၏လူမျိုးများ အပြစ်ကို ခွင့်လွှတ်ရန် ဘုရားသခင်ထံ ပြောဆိုခြင်း၊ တခါတရံ သူတို့သည် ဘုရားသခင်ထံ သူတို့၏ရန်သူများ ဘေးမှလွတ်မြောက်ခွင့်ပေးရန် ပြောဆို ခဲ့ကြ၏။ ဤသူများသည် အခြားသောသူများအတွက် ဘုရားသခင်ထံ ဆုတောင်းခဲ့ခြင်းကြောင့် ကိုယ်စားပြုဆုတောင်းသူများ ဖြစ်ကြ၏။
ကျွန်ုပ်တို့သည်လည်း ကိုယ်စားပြုအမှုဆောင်ပေးမည့်သူ ကိုလိုအပ်ပါသည်။ အဘယ်ကြောင့်နည်း။ ကျွန်ုပ်တို့၌ ကြီးသော ရန်သူ၊ ဘုရားသခင်၏ သားသမီးတိုင်းကို မုန်းသောရန်သူ စာတန် ရှိနေသောကြောင့်ဖြစ်သည်။ စာတန်သည် ကျွန်ုပ်တို့ကို ဘုရား သခင်၏မိသားစုဝင် အဖြစ်မှ ဆုံးရှုံးသွားအောင် မပြုလုပ်နိုင်သည့်တိုင် ကျွန်ုပ်တို့အပြစ်ထဲသို့ လိုက်ပါရန် သူသည် တတ် နိုင်သမျှ ကျိုးစားလုပ်ဆောင်နေပါသည်။ ဘုရား၏စိတ်တော်နှင့်တွေ့သောအသက်တာ၌အသက် မရှင်နိုင်ရန် ကျွန်ုပ်တို့ကို သူ ကျိုးစား ဆီးတားလျက် ရှိသည်။ သို့သော် ကျွန်ုပ်တို့ ကြောက်ရန်မလိုပါ။ သခင်ယေရှုသည် ကျွန်ုပ်တို့၏ ကြီးမြတ်တော်မူသော ကိုယ်စားပြု အမှုဆောင်သူ ဖြစ်တော်မူသည်။ သူသည် နေ့တိုင်း ကျွန်ုပ်တို့အတွက် ဆုတောင်းပေးနေသည်။ ကျမ်းစာက '' ထိုသို့နှင့်အညီ၊ မှန်သော သန့်ရှင်းရာဌာနတို့၏ပုံဖြစ်သော၊...ခရစ်တော်သည်...ငါ တို့အတွက်ကြောင့် ယခု ဘုရားသခင်၏ရှေ့တော်၌ ကိုယ်ကို ပြခြင်းငှါ ကောင်းကင်ကိုယ်ထဲသို့ ဝင်တော်မူပြီး''ဟု ဆိုသည်။(ဟေဗြဲ၊ ၉း၂၄)
ကျမ်းစာ၌ မိမိ၏လူမျိုးများအတွက် ဆုတောင်းခဲ့ကြသော ကြီးမြတ်သော လူများသည် နောက်ဆုံး၌သေခဲ့ကြ၏။ သေ ခြင်းက သူတို့၏ဆုတောင်းခြင်းများကို အဆုံးသတ်စေခဲ့၏။ သခင်ယေရှုသည်လည်းသေ၏။ သို့သော် တဖန် သေခြင်းမှ ထ မြောက်ခဲ့၏။ သူသည် ယနေ့ အသက်ရှင်တော်မူသည်။ သူပိုင်သော သူများအတွက် သူသည် အဆက်မပြတ် ဆုတောင်းပေး လျက်နေသည်။ ကျမ်းစာ၌'' ...ထိုသူ တို့၏ အမှုကို ကိုယ်တော်သည် စေါင့်လျက်၊ကာလအစဉ် အသက်ရှင်သောကြောင့်၊ သူတို့ကို ကယ်တင်ခြင်းငှါ တတ်နိုင်တော် မူ၏'' ဟု ဆိုသည်။(ဟေဗြဲ၊ ၇း၂၅)
သခင်ယေရှုသည် ပြည့်စုံသော ကိုယ်စားပြုအကျိုးဆောင်သူ ဖြစ်၏
သခင်ယေရှုသည် ဤမြေကြီးပေါ်၌ ရှိခဲ့စဉ်အခါ သူ၏နောက်လိုက် တပည့်တော်များအတွက် မကြာခဏ ဆုတောင်း ခဲ့၏။ သူတို့ကို ချစ်တော်မူပြီး သူတို့သည် မကောင်းသောအမှုနှင့် ကင်းလွှတ်မည့်အကြောင်း ဆုတောင်းပေးခဲ့၏။
ယခု သခင်ယေရှုသည် ကောင်းကင်ဘုံ၌ရှိတော်မူပြီး၊ သူပိုင်သော သူများအတွက် သူသည် ဆက်လက်ဆုတောင်းပေး နေလျက် ရှိသည်။ သူသည် ကျွန်ုပ်တို့အတွက် ပြည့်စုံသော ကိုယ်စားပြုအကျိုးဆောင်သူ ဖြစ်သည်။
၁။ သူသည် ဘုရားသခင်၏ ချစ်တော်မူသော သားတော်ဖြစ်သည်။
၂။ သူသည် ကျွန်ုပ်တို့ကို အလုံးစုံ ကောင်းစွာ သိနားလည်ခြင်း ရှိတော်မူသည်။
၃။ သူသည် ကျွန်ုပ်တို့ အပြစ်များအတွက် အပြစ်ဒါဏ်ကို ပေးဆပ်ခဲ့ပြီ။
ဤအကြောင်းအရာ သုံးချက်ကို စဉ်းစားဆင်ခြင်ကြပါစို့။
(၁) ယေရှုသည် ဘုရားသခင်၏ချစ်တော်မူသော သားတော် ဖြစ်တော်မူသည်။
ခမည်းတော်ဘုရားသခင်သည် ချစ်တော်မူသော သူ၏သားတော်အတွက် မပြုလုပ်ပေးသော အရာ တစုံတခုမ မရှိပါ။
ကျမ်းစာက'' ခမည်းတော်သည် သားတော်ကို ချစ်တော်မူ၍၊ ခပ်သိမ်းသောအရာတို့ကို သားတော်လက်သို့ အပ်ပေးတော်မူပြီ'' ဟု ဆိုသည်။(ယော၊ ၃း၃၅) ယေရှုသည် တပည့်တော်များကို သူ၏နာမ၌ ခမည်းတော် ထံ ဆုတောင်းကြရန် မိန့်တော်မူ၏။ သူက ''...ငါ အမှန် အကန် ဆိုသည်ကား၊ သင်တို့သည် ငါ၏နာမကို အမှီပြု၍ ခမည်းတော်မှာ ဆုတောင်းသမျှတို့ကို ခမည်းတော်သည် ပေးတော်မူမည်'' ဟု ဆိုသည်။ (ယော၊ ၁၆း၂၃)
(၂) ယေရှုသည် ကျွန်ုပ်တို့ကို အလုံးစုံ ကောင်းစွာ သိနားလည်ခြင်း ရှိတော်မူသည်။
သခင်ယေရှုသည် အဘယ်ကြောင့် ကျွန်ုပ်တို့ကို အလုံးစုံ ကောင်းစွာ သိနားလည်ကြောင်းကို သင် သိပါ သလား။ အဘယ်ကြောင့် ဆိုသော် သူသည် ဤလောက၌ လူသား တစ်ဦးအဖြစ် နေထိုင်ခဲ့သောကြောင့်ဖြစ်၏။ ကျမ်းစာ၌ ယေရှုသည် ဘုရားသခင်၏ ရှေ့တော်မှောက်၌ ကျွန်ုပ်တို့၌ သနားခြင်းဂရုဏာနှင့်၎င်း၊ အမြင့်ဆုံးသော ယဇ်ပုရောဟိတ်မင်း (ကိုယ်စားပြုအကျိုး ဆောင်သူ) ဖြစ်နိုင်ရန် သူသည် ကျွန်ုပ်တို့ ကဲ့သို့ဖြစ်ရမည် ဟူသောအရာသည် လွှဲရှောင်မရနိုင်သောအရာ ဖြစ်သည်။
သခင်ယေရှုသည် ဆင်းရဲခံရခြင်းနှင့်ငတ်မွတ်ခြင်း ဆိုသည်မှာ အဘယ်နည်း။ သူ သိတော်မူသည်။ သူသည် ငြင်းပယ် ခံရခြင်းနှင့် နားလည်မှု လွှဲမှားခံရခြင်းကို သိတော်မူသည်။ သူ သည် စုံစမ်းခြင်းနှင့် ငြင်းဆဲနှိပ်စက်ခံရခြင်း ဒုက္ခကို သိတော် မူသည်။ ကျွန်ုပ်တို့၌ ဖြစ်ပျက်နိုင်သောအရာ၊ သူ မသိသောအရာ တစုံတခုမျှ မရှိပါ။ ကျမ်းစာက သူသည်''ငါတို့ ယဇ်ပုရောဟိတ်မင်း သည် ငါတို့ခံရသော ဆင်းရဲဒုက္ခများကြောင့် မကြင်နာနိုင်သောသူ မဟုတ်။ ငါတို့ခံရသည်နည်းတူ၊ အမျိုးမျိုးသော စုံစမ်း နှောင့်ရှက်တို့ကို ခံဘူးသောသူ ဖြစ်တော် မူ၏။သို့ရာတွင်၊ ဒုစရိုက်အပြစ်နှင့် ကင်းလွှတ်တော်မူ၏''ဟု ဆိုသည်။(ဟေဗြဲ၊ ၄း၁၅)
ယေရှုသည် ကိုယ်တိုင် ဒုက္ခဆင်းရဲခြင်းနှင့် စုံစမ်းသွေးဆောင်ခြင်းများကို ဖြတ်သန်း ကြုံတွေ့ခဲ့ရခြင်းကြောင့် ကျွန်ုပ်တို့ ဒုက္ခ ဆင်းရဲခြင်းနှင့် စုံစမ်းခြင်းများ ခံရချိန်၌ ထိုကဲ့သို့အရာများကို သူ သိတော်မူသည်။ သူသည် ကျွန်ုပ်တို့အတွက် စုံလင် ပြည့်စုံသော ကိုယ်စားပြု အကျိုးဆောင်သူ ဖြစ်သောကြောင့် သူသည် ကျွန်ုပ်တို့ကို ကောင်းစွာ သိနားလည်တော်မူသည်။
(၃) ယေရှုသည် ကျွန်ုပ်တို့ အပြစ်များအတွက် အပြစ်ဒါဏ်ကို ပေးဆပ်ခဲ့ပြီ။
ယေရှုသည် ကျွန်ုပ်တို့ အပြစ်များအတွက် အပြစ်ဒါဏ်ကို ပေးဆပ်ခဲ့ခြင်းကြောင့် သူသည် ကျွန်ုပ်တို့၏ ကိုယ်စားပြုအကျိုး ဆောင်သူ ဖြစ်ရသောအခွင့်အရေးသည် သူ၌ရှိ၏။ သူသည် ကျွန်ုပ်တို့အပြစ်များအတွက် လက်ဝါးကပ်တိုင်ပေါ် အသေခံခြင်း၌ သူ ၏လက်များ၊ခြေများ၌ ရှိခဲ့သော သံရိုက်ရာများနှင့်နံဘေးတော်ရှိ လှံထိုးရာသည် အမှတ်ရစေသော သစ္စာတရားများ ဖြစ်သည်။
ကျွန်ုပ်တုိ့ အပြစ်ပြုသောအခါ ယေရှုသည် သူ၏လက်များ၌ရှိသော သံရိုက်ရာကို ညွှန်ပြလျက်၊ ပြောဆိုနိုင်သည်။ ''အဘ ဤ သူသည် အပြစ်ပြုခဲ့ခြင်းကို ကျွန်ုပ် သိပါသည်၊ သို့သော် သူ၏အပြစ်များအတွက် ကျွန်ုပ်ပေးဆပ်ခဲ့ပြီး။ အကျွန်ုပ်၏အသွေးဖြင့် သူ့ကို ကျွန်ုပ် ရွေးခဲ့ပြီး။ သူ့ကို ကျွန်ုပ် ပိုင်တော်မူ၏။'' ယေရှုသည် ကျွန်ုပ်တို့၏အပြစ်ဒါဏ်များကို ပေးဆပ်ခဲ့သောကြောင့် ဘုရား သခင်သည် ကျွန်ုပ်တို့ကို ခွင့်လွှတ်နိုင်ခဲ့ခြင်း ဖြစ်သည်။
ကျွန်ုပ်တို့၏ ကိုယ်စားပြုအကျိုးဆောင်သူ အဖြစ် ယေရှုသည် ဘာကိုပြုလုပ်ပါသနည်း။
သခင်ယေရှုသည် ကျွန်ုပ်တို့အတွက် ပြည့်စုံသော ကိုယ်စားပြုအကျိုးဆောင်သူ ဖြစ်ကြောင်းကို ကျွန်ုပ်တို့ မြင်ခဲ့ရပြီ။
ယခု သခင်ယေရှု ကြားဝင်ဆောင်ရွက်ပေးနေသော အကြောင်းအရာ လမ်းစဉ်သုံးမျိုး ကို ကျွန်ုပ်တို့ စဉ်းစားကြမည်။
၁။ သူသည် ကျွန်ုပ်တို့ စုံစမ်းခြင်းကို ခံရစဉ် ကျွန်ုပ်တို့အတွက် ဆုတောင်းပေးနေသည်။
၂။ သူသည် ကျွန်ုပ် အပြစ်ပြုခဲ့မိသောအခါ ကျွန်ုပ်အတွက် ကြားဝင်အကျိုးဆောင် ပေးပါသည်။
၃။ သူသည် ခမည်းတော်ထံ ကျွန်ုပ်တို့၏ ဆုတောင်းခြင်းများကို တင်ဆက်ပေးပါသည်။
ဤအကြောင်းအရာများကို စဉ်းစားဆင်ခြင် ကြပါစို့။
၁။ ခရစ်တော်သည် ကျွန်ုပ်တို့ စုံစမ်းခြင်းကို ခံရစဉ် ကျွန်ုပ်တို့အတွက် ဆုတောင်းပေးနေသည်။
ကျွန်ုပ်တို့သည် စာတန်၏စုံစမ်းသွေးဆောင်ခြင်းကိုခံရစဉ် ကျွန်ုပ်တို့သည် အပြစ်သို့မလိုက်ပါစေရန် သခင်ယေရှု အထူး ဆုတောင်း ပေးလျက်ရှိသည်။ သူ့ ခမည်းတော်ထံ ဆုတောင်းတော်မူသည်။ '' ဤသူတို့ကို ဤလောကမှ နှုတ်ယူတော် မူမည်အကြောင်း အကျွန်ုပ်တောင်း သည် မဟုတ်ပါ။ မကောင်းသော အမှုအရာနှင့် ကင်းလွှတ်စေခြင်းငှါ စောင်မ တော်မူမည် အကြောင်းကို သာတောင်းပါ၏။'' (ယော၊ ၁၇း၁၅)
ကျွန်ုပ်တို့သည် ဤလောက၌ ရှိနေစဉ်ကာလ ကျွန်ုပ်တို့ စုံစမ်းခြင်းကို ခံရကြပေလိမ့်မည်။ သို့သော် သခင်ယေရှုသည် ကျွန်ုပ်တို့ အတွက် ဆုတောင်းပေးလျက်ရှိသည်။ ခမည်းတော်၏ ဂတိရှိသည်မှာ ကျွန်ုပ်တို့ခွန်အားထက် ကျော်လွန်သော စုံစမ်းခြင်းကို သူ ခွင့်ပြု လိမ့် မည် မဟုတ်ပေ။ သူသည် ကျွန်ုပ်တို့အတွက် ထွက်မြှောက်ရာ လမ်း ကိုပြင်ဆင် ပေးပေလိမ့်မည်။ ကျမ်းစာက''...ဘုရားသခင်သည် သစ္စာနှင့် ပြည့်စုံ တော်မူသည်ဖြစ်၍ သင်တို့မခံနိုင်သော စုံစမ်းနှောင့်ရှက်ခြင်းကို သင်တို့၌ ရောက်စိမ့်သောငှါ အခွင့်ပေးတော်မမူ။ သင်တို့သည် ခံနိုင်မည့် အကြောင်း စုံစမ်းနှောင့်ရှက်ခြင်းအရာနှင့်တကွ ထွက်မြှောက်သော လမ်းကိုလည်း စီရင်ပြုပြင်တော်မူလိမ့်မည်။''ဟုဆိုသည်။ (၁ကော၊ ၁ဝး၁၃)
ဤအဓိပ္ပါယ်ကား ကျွန်ုပ် အပြစ်မလုပ်နိုင်တော့ခြင်းကို ဆိုလိုပါသလား။ ထိုသို့မဟုတ်ပါ။ ကျွန်ုပ် အပြစ် ပြုလုပ်နိုင် သေးသည်။ သို့သော် ကျွန်ုပ် အပြစ်ကို မပြုလုပ်ရပါ။ စုံစမ်းသွေးဆောင်ခြင်းကို ကျွန်ုပ် ခွင့်မပြုနိုင်ကြောင်း ပြောဆိုနိုင်သည်။
၂။ ခရစ်တော်သည် ကျွန်ုပ် အပြစ်ပြုခဲ့မိသောအခါ ကျွန်ုပ်အတွက် ကြားဝင်အကျိုးဆောင် ပေးပါသည်။
ကျွန်ုပ်တို့သည် ခရစ်တော်ကို ကျွန်ုပ်တို့၏ကယ်တင်ရှင်အဖြစ် လက်ခံစဉ် ကျွန်ုပ်တို့သည် ဘုရားသခင်၏မိသားစုတွင် မွေးခြင်းကို ခံခဲ့ရပြီး ဖြစ်သည်။ ကျွန်ုပ်တို့သည် ဘုရားသခင်နှင့် ဆက်နွယ်တော်စပ်မှု အသစ်ကိုရရှိကြသည်။ သူသည် ကျွန်ုပ်တို့၏ ကောင်းကင်ဘုံအဖ ဖြစ်ပြီး၊ ကျွန်ုပ်တို့သည် သူ၏သားသမီးများဖြစ်ကြသည်။
တစုံတခုသော အကြောင်းအရာက ဤ ဆက်နွယ်တော်စပ်မှုကို ချိုးဖျက်နိုင်ပါသလား။ မချိုးဖျက်နိုင်ပါ။ ဘုရားသခင်နှင့်
ကျွန်ုပ်တို့ကြား တော်စပ်သော သူ၏သားသမီးများအရာမှ ဘယ်သောအခါမျှ ချိုးဖျက်၍ မရပါ။ သို့သော် ဘုရားသားသမီးများ ဖြစ်သော ကျွန်ုပ်တို့အတွက် အလွန်အရေးကြီးသော အခြားသော အကြောင်းအရာတခု ရှိပါသည်။ ဤကား ကျွန်ုပ်တို့၏ကောင်း ကင်ဘုံ အဖနှင့် ကျွန်ုပ်တို့ မိဿဟာယဖွဲ့ခြင်းဖြစ်သည်။
အခြားသောသူများနှင့် မိဿဟာယဖွဲ့ခြင်းသည် အဘယ်နည်း။ ကျွန်ုပ်တို့သည် ထိုသူများနှင့်အတူ ဝမ်းမြှောက်လျက်ရှိ နေခြင်းဖြစ်သည်။ ကျွန်ုပ်သည် သူတို့ကိုချစ်ခြင်းနှင့် သူတို့သည်လည်း ကျွန်ုပ်တို့ကို ချစ်ကြောင်းကို သိကြသည်။ ကျွန်ုပ်တို့သည် သူတို့နှင့် အတူ စကားပြောဆိုလိုခြင်း၊ ကျွန်ုပ်တို့၏ဝမ်းမြောက်ခြင်းနှင့်ကျွန်ုပ်တို့၏ပြသနာအခက်အခဲများကို သူတိုနှင့်အတူ ဝေမျှ ပြောဆိုလိုသည်။
ဘုရားသခင်သည် ကျွန်ုပ်တို့ကိုချစ်တော်မူပြီး သူနှင့်ကျွန်ုပ်တို့ မိသဟာယဖွဲ့ရန် အလိုရှိတော်မူသည်။ သူနှင့်အတူ ဝမ်း မြောက်ခြင်း ရှိရန် သူသည် ကျွန်ုပ်တို့ကို အလိုရှိသည်။ သူသည် ကျွန်ုပ်တို့၏ဝမ်းမြောက်ခြင်းများ၊ ကျွန်ုပ်တို့၏ပြသနာများကို သူ့ထံ ကျွန်ုပ်တို့ ပြောကြား ရန် အလိုရှိသည်။ ဘုရားသခင်သည် ကျွန်ုပ်တို့ သူ့ကို ချစ်ပြီး ကျွန်ုပ်တို့ကို သူ ချစ်ကြောင်း သိရန် အလိုရှိသည်။ ကျွန်ုပ်တို့ သူ၌ နာခံခြင်း ရှိသောအခါ သူနှင့်အတူအံ့ဘွယ်သော မိသဟာယဖွဲ့ခြင်း၌ ကျွန်ုပ်တို့ဝမ်းမြောက်ကြသည်။
ဤသို့ အဖဘုရားသခင်နှင့်မိသဟာယပြုခြင်းသည် ချိုးဖျက်နိုင်ပါသလား။ ချိုးဖျက်နိုင်ပါသည်။ မည်သည့်အရာက ချိုးပျက် စေပါသနည်း။ ''အပြစ်'' ဖြစ်သည်။ ကျွန်ုပ်တို့ အပြစ်ပြုသောအခါ အဖဘုရားသခင်နှင့် ကျွန်ုပ်တို့၏မိသဟာယကို ရပ်စဲ စေပါသည်။ သူနှင့်ကျွန်ုပ်တို့ သူ၏သားသမီးအရာ တော်စပ်ဆက်နွယ်မှုသည် မပြတ်တောက်ပါ သို့သော် အပြစ်သည် သူနှင့် မိသဟာယပြုခြင်းကို ရပ်စဲစေသည်။
အဖဘုရားသခင်နှင့် ကျွန်ုပ်တို့ မိသဟာယကို ပြန်လည်တည်ဆောက်နိုင်ပါသလား။ ပြန်လည်တည်ဆောက်နိုင်ပါသည်။ မည်သူ တည်ဆောက်ပေးပါသနည်း။ သခင်ယေရှုဖြစ်သည်။ ကျွန်ုပ်တို့ အပြစ်ပြုသောအခါ သူသည် ကျွန်ုပ်တို့အတွက် ကိုယ်စား ပြုအကျိုးဆောင်တော်မူသည်။ ကျမ်းစာက''ချစ်သားတို့၊သင်တို့သည် ဒုစရိုက်ကို မပြုစေခြင်းငှါ ဤအရာများကို သင်တို့အား ငါ ရေး၍ ပေးလိုက်၏။ တစုံတယောက်သောသူသည် ဒုစရိုက်ကိုပြုမိလျှင်၊ ဖြောင့်မတ်တော်မူသော အရှင်ယေရှုခရစ်တည်းဟူသော ငါ တို့ အမှုဆောင် သခင်သည် ခမည်းတော်ထံ၌ ရှိတော်မူ၏။''ဟုဆိုသည်။(၁ယော၊ ၂း၁)
ကျွန်ုပ်တို့ အပြစ်ပြုသောအခါ သခင်ယေရှုသည် ကျွန်ုပ်တို့အတွက် လျှောက်လဲပေးပါသည်။ သူသည် ခမည်းတော်ထံ သူ့နာမကြောင့် ကျွန်ုပ်တို့ကို ခွင့်လွှတ်ရန် ပြောဆိုပေးသည်။ ယေရှု မည်သူနည်းနှင့် ကျွန်ုပ်တို့အတွက် သူ ပြုပေးခဲ့သော အရာ များကြောင့် ကျွန်ုပ်တို့၏အပြစ်များကို ဘုရားသခင် ခွင့်လွှတ်ခဲ့ခြင်းဖြစ်သည်။ ကျမ်းစာက''ချစ်သားတို့၊ သင်တို့သည် ထိုသခင်၏ နာမတော်အားဖြင့် အပြစ်များနှင့်ကင်းလွှတ်သောကြောင့်၊ သင်တို့အား ငါရေး၍ပေးလိုက်၏''ဟုဆိုသည်။(၁ယော၊ ၂း၁၂)
ဘုရားသခင်သည် အပြစ်လွှတ်ခြင်းသာမက ခရစ်တော်၏အဖိုးထိုက်သော အသွေးနှင့် ကျွန်ုပ်တို့ကို သန့်ရှင်း စင်ကြယ် စေပြီး သူနှင့်အတူ တဖန် ပြန်လည် မိသဟာယ ဖွဲ့စေပါသည်။
မည်သည့်အချိန်၌ ကျွန်ုပ်တို့သည် ဘုရားသခင်နှင့်အတူ မိသဟာယဖွဲ့ခြင်းကို ပြန်လည်တည်ဆောက်ပါသနည်း။ အဖ ဘုရားသခင်ထံ ကျွန်ုပ်တို့၏အပြစ်များကို ဝန်ချတောင်းပန်ပြီး တခဏခြင်းတွင် ကျွန်ုပ်တို့၏မိသဟာယသည် ပြန်လည်တည် ဆောက် ပြီးဖြစ်သည်။ ကျမ်းစာက''ကိုယ့်အပြစ်တို့ကိုဖေါ်ပြတောင်းပန်လျှင် ငါတို့အပြစ်များကိုလွတ်၍ ဒုစရိုက်ရှိသမျှနှင့် ကင်းစင် စေခြင်းငှါ ဘုရားသခင်သည် သစ္စာတရားနှင့်၎င်း၊ ဖြောင့်မတ်ခြင်းတရားနှင့်၎င်း၊ ပြည့်စုံတော်မူ၏''ဟုဆိုသည်။(၁ယော၊ ၁း၉)
ဤ သည်ကား အပြစ်ကို နေ့စဉ်ပြုလုပ်ရန် ကျွန်ုပ်တို့ဆုံးဖြတ်နိုင်ပြီး၊ ထိုနောက် ဘုရားသခင်ထံ ဝန်ချတောင်းပန်ပြီး၊ အရာအားလုံး ပြေလည်ပြီးဟု ထင်မြင်ယူဆနေခြင်းဟူသော အဓိပ္ပါယ်ကို ဆိုလိုပါသလား။ ထိုသို့ လုံးလုံး မဟုတ်ပါ။ ဤကဲ့သို့ သော နည်းမျိုး ကျွန်ုပ်၌ ယူဆ နေခဲ့သော် ကျွန်ုပ်တို့သည် ဘုရားသခင်၏မိသားစုထဲ၌ ဧကန် ရှိမရှိ မြင်နိုင်ရန် ကျွန်ုပ်တို့ ကိုယ်ကို ပြန်လည် စစ်ဆေးမေးမြန်းသင့်သည်။ စစ်မှန်သော ဘုရားသခင်၏သားသမီးများသည် ကောင်းကင်ဘုံအဖ၏စိတ်တော်နှင့် တွေ့ ရန်ကိုသာ အလိုရှိပြီး၊ ဘုရားသခင် မုန်းတော် မူသော အရာများကို သူသည် မုန်းတော်မူလိမ့်မည်။
၃။ ခရစ်တော်သည် ခမည်းတော်ထံ ကျွန်ုပ်တို့၏ ဆုတောင်းခြင်းများကို တင်ဆက်ပေးပါသည်
သခင်ယေရှုသည် ကျွန်ုပ်တို့ စုံစမ်းနှောင့်ရှက်ခြင်းကိုခံစဉ် ဆုတောင်းပေးခြင်း၊ ကျွန်ုပ်တို့အပြစ်ပြုစဉ် ခပည်းတော်နှင့် ကျွန်ုပ်တို့၏ မိသဟာယကို ပြန်လည်တည်ဆောက်ပေးခြင်းတို့ကို ကျွန်ုပ်တို့မြင်တွေ့ခဲ့ပြီ။ သို့ပြင် အခြားသော အံ့ဘွယ်သောအရာ တခုရှိပါသည်။ သူသည် ကျွန်ုပ်တို့၏ဆုတောင်းခြင်းများကို ခမည်းတော်ထံတင်ဆက်ပေးပါသည်။
လူများယူဆသည်မှာ တစ်ဦးတယောက်သည် ဘုရားသခင်ထံဆုတောင်းနိုင်ပြီး၊ ဘုရားသခင်သည် သူ၏ဆုတောင်းခြင်း ကို နားညောင်းပေလိမ့်မည်။ သို့သော် ဤကဲ့သို့ မဟုတ်ပါ။ သခင်ယေရှုကို ကယ်တင်ရှင်အဖြစ် လက်ခံခြင်းရှိသူများသာ ဘုရား သခင်ကို ကောင်းကင်ဘုံအဖအနေဖြင့် ဆုတောင်းနိုင်သည်။ ဘုရားသခင်သည် ကျွန်ုပ်၏ဆုတောင်းခြင်းကိုနားညောင်းပြီး အဖြေ ရလိုသော် သင်သည် ယေရှု၏နာ၌ဆုတောင်းရမည်။ သခင်ယေရှုက'' ငါ အမှန်အကန်ဆိုသည်ကား၊ သင်တို့သည်ငါ၏နာမ ကို အမှီပြု၍ ခမည်းတော်မှာ ဆုတောင်း သမျှ တို့ကိုခမည်းတော်သည်ပေးတော်မူမည်''ဟုဆိုသည်။(ယော၊ ၁၆း၂၃)
ကျွန်ုပ်တို့ဆုတောင်းစဉ် သခင်ယေရှုသည် ကျွန်ုပ်တို့၏ကြီးမြတ်သော ကိုယ်စားပြုအကျိုးဆောင်သူဖြစ်သည်။ သူသည် ကျွန်ုပ်တို့၏ ဆုတောင်းခြင်းများကို ခမည်းတော်ထံ တင်ဆက်ပေးပါသည်။ သူသည် ခမည်းတော်ထံ ကျွန်ုပ်တို့၏တောင်းခံမှုများ ကို သူ့နာမကြောင့် ခွင့်ပေး ရန် ပြောပါသည်။ အကြောင်းမှာ ယေရှုသည် မည်သူဖြစ်ခြင်းနှင့်ကျွန်ုပ်တို့အဖို့ သူ ပြုလုပ်ပေးခဲ့ခြင်းက ကျွန်ုပ်တို့၏ဆုတောင်းခြင်းများကို ဘုရားသခင်သည် နားညောင်းခြင်းနှင့်အဖြေပေးခြင်းဖြစ်သည်။
ခရစ်တော်အားဖြင့် ကျွန်ုပ်တို့ ဘုရားသခင်ထံ ရဲရင့်စွာ လာရောက်တိုးဝင်နိုင်ခြင်းအခွင့်ကို ရကြပြီ
သခင်ယေရှုသည် ကျွန်ုပ်တို့အဖို့ ပြည့်စုံသော ကိုယ်စားပြုအကျိုးဆောင်သူ ဖြစ်ကြောင်း လေ့လာနားလည်ခဲ့ရပြီ။ သူ သည် ကျွန်ုပ် တို့အတွက် နေ့စဉ် ဆုတောင်းပေးနေသည်။ ကျွန်ုပ်တို့ ကူညီမှုလိုအပ်စဉ် သူ ကျွန်ုပ်တို့ကို အဝေးသို့မလှည့်စေပါ၊ သို့ သော် သူသည် သူ၏ ခွန်အားကို ကမ်းလှမ်းတော်မူသည်။ ကျွန်ုပ်တို့ လဲကျစဉ်ခါ သူသည် ကျွန်ုပ်တို့ကို အပြစ် မတင်ပါ။ သို့ သော် သူသည် ကျွန်ုပ်တို့၌ သီးခံသော သဘော၊ သနားခြင်းကရုဏာသဘော ရှိတော်မူသည်။ သူသည် ကျွန်ုပ်တို့အဖို့ ခမည်းတော် ဘုရားသခင်နှင့် ကြားဝင် ကိုယ်စားပြုသော ကြောင့် အဖဘုရားသခင်နှင့် ကျွန်ုပ်တို့၏ မိသဟာယကို ပြန်လည် တည်ဆောက်နိုင် ခြင်း အခွင့် ရကြသည်။ သင်သည် အောင်မြင်ရန် လမ်းကို မမြင်နိုင်သော စုံစမ်းနှောင့်ရှက်ခြင်း၌ ဒုက္ခရောက်နေပါသလား။ သို့ဖြစ်သော် အဖဘုရားထံ သခင်ယေရှုအားဖြင့် လာပါ။ သင်သည် ထိုအရာများအပေါ် အောင်မြင်ခြင်းကိုပေးရန် သူ့ထံ၌ တောင်းခံပါ။
သင်သည် အပြစ် ပြုခဲ့ပါသလား။ အဖဘုရားသခင်နှင့် သင်သည် မိသဟာယဖွဲ့ခြင်း၌ ရပ်စဲ နေပါသလား။ ခရစ်ယာန်ဖြစ် သော သင်၏ဝမ်းမြောက်ခြင်း ပျောက်ဆုံးနေပါသလား။ အဖဘုရားထံ သင်၏ကြီးမြတ်တော်မူသော အကျိုးဆောင် သခင်ယေရှု ခရစ်အားဖြင့် သင်သည် လာပါ။ ဘုရားသခင်ထံ အပြစ်ဝန်ချပြီး၊ သင့်အပြစ်များကိုခွင့်လွတ်ရန် သူ့ကို ပြောပါ။ သခင်ယေရှုသည် သင်နှင့် ဘုရားသခင်တို့၏ မိသဟာယကို ပြန်လည်တည်ဆောက် ပေးလိမ့်မည်။
သင်သည် ကြီးစွာသောကူညီမှုကို လိုအပ်နေပါသလား။ သင့်အသက်တာ၌ သို့မဟုတ် သင်ချစ်ခင်ရသောသူ တစ်ဦး၌ တစ်စုံတစ်ခု သောပြသနာအားဖြင့် သင်သည်ဒုက္ခနှင့် ကြုံတွေ့နေရပါသလား။ သို့ဖြစ်လျှင် အဖ ဘုရားထံ ယေရှု၏နာမ၌ ဆုတောင်းပါ။ သခင်ယေရှုသည် ဘုရားသခင်၏ ချစ်တော်မူသော သားတော်ဖြစ်သည်။ သူသည် သင်၏ဆုတောင်းခြင်းများကို ခမည်းတော်ထံ တင်ဆက်ပေလိမ့်မည်။ ကျမ်းစာက''ယခုမူကား၊ ကောင်းကင်ဘုံထဲသို့ ကြွဝင်တော်မူသော ယဇ်ပုရောဟိတ်မင်း အကြီးတည်းဟူ သော ဘုရားသခင်၏ သားတော် ယေရှုသည် ငါတို့၏ယဇ်ပုရောဟိတ်မင်း ဖြစ်တော်မူသောကြောင့် ငါတို့သည် ဝန်ခံခဲ့ပြီးသောအရာ ၌ တည်ကြည်ကြကုန်အံ့။...ထိုကြောင့် ငါတို့ သည် သနားခြင်းကရုဏာကို၎င်း၊ တော်လျော်သောမစခြင်း ကျေးဇူးတော်ကို၎င်း ခံရမည် အကြောင်း၊ ရဲရင့်သောစိတ်နှင့် ကျေးဇူး ပလ္လင်တော် သို့ တိုးဝင်ချဉ်းကပ်ကြကုန်အံ့။''ဟုဆိုသည်။(ဟေဗြဲ၊ ၄း၁၄၊၁၆)
ရှာဖွေတွေ့ရှိခဲ့ရသော သမ္မာကျမ်းစာ ရတနာ
ယေရှုခရစ်သည် ကျွန်ုပ်၏ကြီးမြတ်တော်မူသော ကိုယ်စားပြု အကျိုးဆောင်သူ ဖြစ်သည်။ ကျွန်ုပ်၏လိုအပ်မှု အရာအားလုံနှင့် အတူ ဘုရားသခင်ထံ သူ့(ယေရှုခရစ်)အားဖြင့် ရဲရင့်စွာ တိုးဝင်ခြင်းငှါ ကျွန်ုပ် လာနိုင်ပြီ။
မေးခွန်းများ
၁။ သခင်ယေရှု၏ ပစ္စုန်ပန် အမှုဆောင်ခြင်းသည်
(က) မကောင်းသောလူများအားလုံးကို တရားစီရင်လျှက်ရှိနေသည်။
(ခ ) သူ၌ ယုံကြည်ကြသော ကျွန်ုပ်တို့အတွက် ဆုတောင်းလျှက်ရှိသည်။
(ဂ ) ဘုရားသခင်၏အကြံပြုချက်များကို ပေးလျှက်ရှိသည်။
၂။ ယနေ့ ကျွန်ုပ်တို့၌ ကြားဝင် ကိုယ်စားပြု အကျိုးဆောင်တဦး(ကျွန်ုပ်တို့အတွက် ဆုတောင်းပေးမည့်သူ) လိုအပ်ရခြင်းမှာ၊
(က) စာတန်သည် ကျွန်ုပ်တို့ကို ဘုရားသခင်၏ မိသားစု အပြင်ဘက်သို့ရောက်အောင် ထုတ်ဆောင်နိုင်သည်။
(ခ ) အကျိုးဆောင်တဦးရှိခြင်းသည် ကောင်းပေသည်။
(ဂ ) ကျွန်ုပ်တို့၌ ဘုရားသားသမီးများ အားလုံးကို အလွန်မုန်းတီးသော မဟာရန်သူ စာတန်ရှိသည်။
၃။ ဟေဗြဲ ၉း၂၄ အရ၊ ယေရှု သည် ယခု အဘယ်မှာရှိပြီး သူ အဘယ်အမှုကို ပြုနေပါသနည်း။
(က) သူသည် ကောင်းကင်ဘုံ တနေရာရာမှာရှိနေပြီး ကျွန်ုပ်တို့အတွက် လုပ်ဆောင်ရန် ဘာမျှ မလိုတော့ပါ။
(ခ ) သူသည် ဘုရားသခင်၏ မျက်မှောက်တော်၌ရှိနေပြီး ကျွန်ုပ်တို့အတွက် ဆုတောင်းခြင်း(အကျိုးဆောင်ခြင်း) ပြုလျှက် ရှိသည်။
(ဂ ) သူသည် ကြီးစွာသော အားတခုကဲ့သို့ လေထဲ၌ ပျံဝဲ လျှက် နေသည်။
၎။ ယေရှုသည် ကျွန်ုပ်တို့အတွက် စုံလင်သော ကိုယ်စားပြု အကျိုးဆောင် ဖြစ်နေရခြင်းမှာ၊
(က) သူသည် ကျွန်ုပ်တို့၌ အလုံးစုံ သ်ိတော်မူသည်။
(ခ ) ကျွန်ုပ်တို့ ကြီးစွာသော သွေးဆောင်ခြင်းကို ဘယ်သောအခါမျှ မရင်ဆိုင်ရပါ။
(ဂ ) စာတန်သည် ဘုရား၏သားသမီးများကို ယနေ့ စုံစမ်းသွေးဆောင်ခြင်း မပြုပါ။
၅။ ၁ကော၊ ၁၀း၁၃ က ကျွန်ုပ်တို့ကို ဖေါ်ပြထားသည်မှာ၊
(က) ခရစ်ယာန်များသည် ဘယ်သောအခါမျှ အပြစ် မပြုလုပ်တော့ပါ။
(ခ ) ခရစ်ယာန်များသည် အပြစ်ကို မပြု လုပ်ရပါ။
(ဂ ) ကျွန်ုပ်တို့ အပြစ်ပြုခဲ့သော် ဘုရားသခင်က အမှုမထားတော့ပါ။
၆။ အပြစ်သည် ဘုရားသခင်နှင့် ကျွန်ုပ်တို့၏မိတ်သဟာယကို ကျိုးပျက်စေသည်၊ သို့သော်၎င်းကို ပြန်လည်တည်ဆောက်နိုင်သည်။
(က) ကျွန်ုပ်တို့ အပြစ်ကို မေ့ပြစ်လိုက်သောအခါ။
(ခ ) ဘုရားသခင်ထံ ကျွန်ုပ်တို့ အပြစ် ၀န်ချတောင်းပန်သောအခါ။
(ဂ ) သန့်ရှင်းခြင်းရှိရန် ကျွန်ုပ်တို့ အထူးကျိုးစား လုပ်ဆောင်သောအခါ။
၇။ ဘုရားသခင်နှင့် ကျွန်ုပ်တို့ ခရစ်ယာန်များအဖြစ် ဆက်နွယ်တော်စပ်ခြင်းသည်
(က) ကျွန်ုပ်တို့ ဆုတောင်းခြင်း၊ ကျမ်းစာလေ့လာခြင်းနှင့် ဘုရားကျောင်းသို့ သွားခြင်း မရှိလျှင် ကျိုးပျက်နိုင်သည်။
(ခ ) ကျွန်ုပ်တို့ ပညတ်တော် ဆယ်ပါး၌ နာခံခြင်း မရှိလျှင် ကျိုးပျက်နိုင်သည်။
(ဂ ) မကျိုးပျက်နိုင်ပါ။
၈။ စစ်မှန်သော ဘုရားသခင်၏သားသမီးများသည်
(က) သူ၏ ကောင်းကင်ဘုံ အဘ ကို နှစ်သက်စေရန် ပြုလိုသည်။
(ခ ) သူ၏ ကောင်းကင်ဘုံ အဘ နှစ်သက်စေရန် အမှုကို အရေးမထားပါ။
(ဂ ) သူ့ကိုယ်ကို သာ နှစ်သက်စေရန်သာ အသက်ရှင်သည်။
၉။ ဘုရားသခင်သည် ကျွန်ုပ်တို့၏ဆုတောင်းခြင်းများကို အဖြေပေးရခြင်းမှာ
(က) ကျွန်ုပ်တို့သည် အထူးကောင်းမွန်သော ခရစ်ယာန်များ ဖြစ်ခြင်းကြောင့် ဖြစ်သည်။
(ခ ) ယေရှု မည်သူ ဖြစ်သည် နှင့် ကျွန်ုပ်တို့အတွက် သူ ပြုခဲ့သော အမှုများကြောင့် ဖြစ်သည်။
(ဂ ) ဘုရားသခင်ကိုနှစ်သက်စေသော ရှည်သော ဆုတောင်းခြင်းများနှင့် ကျွန်ုပ်တို့ ဆုတောင်းသောကြောင့် ဖြစ်သည်။
၁၀။ ယေရှုသည် ကျွန်ုပ်တို့အတွက် အဆက်မပြတ် ကြားဝင် ကိုယ်စားပြု အကျိုးဆောင်ခြင်းကြောင့် ကျွန်ုပ်တို့သည်
(က) ဘုရားသခင်ထံ ရဲရင့်စွာ အစဉ်အမြဲ တိုးဝင်နိုင်သည်။
(ခ ) အပြစ်ကို အချိန်မရွေးပြုလိုက ပြုနိုင်ပြီး၊ ယင်း၏အကျိုးဆက်ကို စိုးရိမ်စရာ မလိုပါ။
(ဂ ) ဆုတောင်းခြင်းကို ပြစ်ထား၍ ရနိုင်သည်။
ဤ သင်ခန်းစာ၌ မည်သည့် အရေးကြီးဆုံး သောအရာကို သင်သည် လေ့လာ သင်ယူခဲ့ရပါသနည်း။
0 comments:
Post a Comment