Love One another
Practical Christian Living Course
Lesson 21
သော့ချက်ကျမ်းပိုဒ်။
သင်တို့သည် အချင်းချင်းတယောက်ကိုတယောက်ချစ်ကြလော့။ ငါသည်သင်တို့ ကိုချစ်သည်နည်းတူ အချင်းချင်း ချစ်ကြလော့ဟု ပညတ်သစ်ကိုငါပေး၏။ သင်တို့သည် အချင်းချင်းချစ်ကြလျှင် လူအပေါင်းတို့သည် ထိုမေတ္တာကိုထောက်၍၊ သင်တို့သည် ငါ၏တပည့်ဖြစ်သည်ကို သိရ ကြလိမ့်မည် ဟု မိန့်တော်မူ၏။ (ယော၊ ၁၃း၃၄-၃၅)
သခင်ယေရှုကို မဖမ်းဆီးမီ အမှု့ရင်မဆိုင်မီနှင့် ကားတိုင်၌တင်မသတ်မီအချိန်တွင် သခင်သည် နောက်ဆုံးသောတညတာကို တပည့်တော်များ နှင့်အတူ ကုန်ဆုံးစေခဲ့သည်။ သူသည်တပည့်တော်တို့အား နှစ်သိမ့်ပေးရန်နှင့် ညွှန်ကြားရန် ဤအချိန်ကိုအသုံးပြုခဲ့သည်။ ဤအမိန့်ကိုလည်း တပည့်တော်တို့အား ပေးခဲ့သည်။ ""အချင်းချင်း တစ်ဦးကိုတစ်ဦး ချစ်ကြလော့""
သခင်ယေရှုက ""သင်တို့သည် အချင်းချင်းတယောက်ကိုတယောက်ချစ်ကြလော့။ ငါသည်သင်တို့ ကိုချစ်သည်နည်းတူ အချင်းချင်း ချစ်ကြလော့ဟု ပညတ်သစ်ကိုငါပေး၏။""ဟု ဆိုခဲ့သည်။ ယော ၁၃း၃၄
ဤအမိန့်ကိုကျမ်းစာထဲရှိ နေရာအတော်များများ၌တွေ့ရသည်။ ၄င်းတို့ထဲမှ အနည်းငယ်မှာ အောက်ပါတို့ဖြစ်ကြသည်။ ""ငါ့ပညတ်ဟူမူကား၊ ငါသည် သင်တို့ကိုချစ်သည်နည်းတူ၊ သင်တို့သည် အချင်းချင်းချစ်ကြလော့။"" ယော ၁၅း၁၂
""အကြောင်းမူကား၊ ကိုယ်နှင့်စပ်ဆိုင်သောသူကို ကိုယ်နှင့်အမျှချစ်လော့ဟူသော ပညတ်တပါးကို ကျင့်လျှင်၊ ပညတ်တရားရှိသမျှကို အကြွင်းမဲ့ ကျင့်ရာရောက်၏။ ဂလာ ၅း၁၄
""သင်တို့သည် ရှေးဦးစွာကပင်ကြားရသော တရားစကားဟူမူကား၊ ငါတို့သည် အချင်းချင်းချစ်ရကြ မည်။"" ၁ယော ၃း၁၁
""ဘုရားသခင်ကို ချစ်သောသူသည် မိမိညီအစ်ကိုကို ချစ်ရမည်ဟူသော ပညတ်တော်ကို ငါတို့သည် ခရစ်တော်ထံ၌ ခံရကြပြီ။"" ၁ယော ၄း၂၁
""အခြားသောအမှုအရာထက်မက အချင်းချင်းအားကြီးသော ချစ်ခြင်းမေတ္တာရှိကြလော့။ ချစ်ခြင်း မေတ္တာသည် များစွာသောအပြစ်တို့ကို ဖုံးအုပ်တတ်၏။"" ၁ပေ ၄း၁၈
အချင်းချင်းချစ်ရကြမည်ဟူသော အမိန့်တော်ကို သခင်ယေရှုကိုယ်တိုင်က အထူးအရေးကြီးကြောင်း သတ်မှတ်ခဲ့သည်။ ဤအမိန့်ကို နာခံခြင်း သည် သူ့တပည်တော်များ၏ အမှတ်လက္ခဏာပင် ဖြစ်သည်။ သူက ""သင်တို့သည် အချင်းချင်းချစ်ကြလျှင် လူအပေါင်းတို့သည် ထိုမေတ္တာကို ထောက်၍၊ သင်တို့သည် ငါ၏တပည့်ဖြစ်သည်ကို သိရကြလိမ့်မည်""ဟု မိန့်တော်မူ၏။(ယော၊ ၁၃း၃၅)
သခင်၏အမိန့်တော်က ဆိုလိုသည်မှာ
အချင်းချင်းချစ်ရကြမည်ဟူသော သခင်ယေရှုအမိန့်တော်၏ဆိုလိုရင်း နှစ်ခုရှိသည်။
(၁) အချင်းချင်းချစ်ခြင်းသည် ရွေးချယ်နိုင်သောအရာတခု မဟုတ်ပါ။
ခရစ်ယာန်အချင်းချင်းချစ်ကြရန် မိန့်မှာထားသည်။ အခြားယုံကြည်သူများကို ချစ်ရမည်လော၊ မချစ်ရမည်လောဟု မေးစရာမေးခွန်းမရှိပါ။ ဤအမိန့်သည် ကျွန်ုပ်တို့သခင်၏အမိန့်ဖြစ်သည်။ အခြား ယုံကြည်သူတဦးကို မချစ်ခြင်းသည် သူ့အား နာမခံခြင်းပင်ဖြစ်သည်။ သခင်ယေရှုက ""သင်တို့သည် အချင်းချင်းချစ်စေခြင်းငှာ၊ ဤပညတ်တို့ကို ငါပေး၏။""ဟု ဆိုခဲ့သည်။ ယော ၁၅း၁၇
(၂) ""အချင်းချင်းချစ်ရမည်""၏ ဆိုလိုရင်းမှာ ယုံကြည်သူတိုင်းကို ချစ်ရန်ဖြစ်သည်။
အချင်းချင်းချစ်ရကြမည်ဟု ဆိုရာတွင် မိမိနှင့်သဘောသဘာဝအရ ပြေလည်သူ ယုံကြည်သူများကိုသာ ချစ်ရန် မဟုတ်ပါ။ ယုံကြည်သူတိုင်း ကို ချစ်ရမည်ဟု ဆိုလိုခြင်းဖြစ်သည်။ တမန်တော်ယောဟန်က ကျွန်ုပ်တို့အချင်းချင်း ချစ်ကြခြင်းသည် ဒုတိယမွေးခြင်းကို အမှန်တကယ်ခံပြီးကြောင်းကို သက်သေပြသည်။ ယောဟန်က ""ငါတို့သည် ညီအစ်ကိုချင်းတို့ကို ချစ်သောကြောင့်၊ သေခြင်းမှအသက်ရှင်ခြင်းသို့ ကိုယ်ကူးမြောက်သည်ကို ကိုယ် သိရ ကြ၏။""ဟု ရေးသားခဲ့သည်။ ၁ယော ၃း၁၄
ကွဲပြားခြားနားသော ချစ်ခြင်းမေတ္တာအမျိုးအစားများ
ယုံကြည်သူတစ်ဦး၏ ဘ၀အတွက်ချစ်ခြင်းမေတ္တာသည် အလွန်အရေးကြီးသောကြောင့် သခင်ယေရှုက အချင်းချင်း ချစ်ရကြမည် ဟု ပြောသောအခါ သူဘာကိုဆိုလိုသည်ကို ကြည့်ကြမည်ဖြစ်သည်။
ဂရိဘာသာစကားတွင် ချစ်ခြင်းမေတ္တာ၏ယေဘူယျသဘောကို ဖော်ပြရန် စကားလုံးများစွာရှိသည်။
(၁) အီရောစ် (EROS)
""EROS""ဟူသောစကားလုံးသည် နှစ်သက်ပျော်ရွှင်မှုကိုပေးသော ချစ်ခြင်းမေတ္တာမျိုးကို ဖော်ပြရာ တွင် အသုံးပြုသည်။
(၂) ဖီလ်လီယာ (PHILIA)
""PHILIA""ဆိုသော စကားလုံးသည် ဆွဲဆောင်မှု့ရှိသော ချစ်ခြင်းမေတ္တာကိုဖော်ပြရာတွင် အသုံးပြု သည်။ ရင်းနှီးသော ဆက်ဆံမှုမျိုးတွင် ခံစားရသော နွေးထွေးသည့်အချစ်နှင့် ကြင်နာယုယမှု့မျိုးဖြစ်သည်။
(၃) အဂ္ဂါပေ (AGAPE)
""AGAPE""ဟူသောစကားလုံးကို ဘုရားသခင်၏ ချစ်ခြင်းမေတ္တာကိုဖော်ပြရာတွင် အသုံးပြုသည်။ AGAPE (အဂ္ဂါပေ)ဟူသော ချစ်ခြင်းမေတ္တာမျိုးသည် ဘုရားသခင်က သူ၏ချစ်စွာသော သားတော်အပေါ် တွင်ထားရှိသော မေတ္တာမျိုးဖြစ်သည်။ ယေရှုက သူ့ခမည်းတော်အား ""အိုအဘ ကိုယ်တော်သည် ဤကမ္ဘာ မတည်မရှိမီ ကျွန်ုပ်ကိုချစ်(အဂ္ဂါပေ)၍...""ဟု ပြောခဲ့သည်။
အဂ္ဂါပေမေတ္တာသည် ဘုရားသခင်က လူသားမျိုးနွယ်အပေါ်တွင်ထားသော မေတ္တာမျိုးလည်းဖြစ်သည်။ ကျမ်းစာက ""ဘုရားသခင်၏ သားတော်ကို ယုံကြည်သောသူအပေါင်းတို့သည် ပျက်စီးခြင်းသို့ မရောက်၊ ထာဝရအသက်ကို ရစေခြင်းငှာ၊ ဘုရားသခင်သည် မိမိ၏တစ်ပါးတည်းသော သားတော်ကို စွန့်တော်မူသည်တိုင်အောင်၊ လောကီသားတို့ကို ချစ်(အဂ္ဂါပေ)တော်မူ၏။""ဟု ဆိုသည်။ ယော ၃း၁၆
အံ့သြဖွယ်ကောင်းစွာပင် အဂ္ဂါပေချစ်ခြင်းမေတ္တာသည် သခင်ယေရှုက မိန့်မှာထားသော ယုံကြည်သူအချင်းချင်းတို့၌ ထားရှိရမည့် မေတ္တာ မျိုးပင်ဖြစ်သည်။ ယေရှုက "ငါ့ပညတ်ဟူမူကား၊ ငါသည် သင်တို့ ကို ချစ်သည်နည်းတူ၊ သင်တို့သည် အချင်းချင်းချစ်(အဂ္ဂါပေ)ကြလော့။"ဟု ပြောခဲ့သည်။
အဂ္ဂါပေချစ်ခြင်းမေတ္တာ ဆိုသည်မှာ အဘယ်နည်း။
အဂ္ဂါပေမေတ္တာကို အဓိပ္ပါယ်ဖွင့်ဆိုရန် မလွယ်ကူပါ။ မိမိ၏လုပ်ဆောင်မှု့များအားဖြင့် ဤမေတ္တာကို ပြသနိုင်သည်။ ကျွန်ုပ်တို့သည် အပြစ်သားများဖြစ်စဉ်ပင် ဘုရားသခင်သည် သူသားတော်ကို ကျွန်ုပ်တို့ ကိုယ်စားအသေခံစွန့်လွှတ်ခဲ့ခြင်းအမှု့ကို ကြည့်ခြင်းအားဖြင့် အဂ္ဂါပေ ချစ်ခြင်း မေတ္တာကို ထင်ရှားစွာတွေ့မြင် နိုင်သည်။ ကျမ်းစာက ""ငါတို့သည် အပြစ်ရှိစဉ်ပင်၊ ခရစ်တော်သည် ငါတို့အတွက်ကြောင့် အသေခံတော် မူသည်ဖြစ်၍၊ ဘုရားသခင်သည် ငါတို့ကိုအဘယ်မျှလောက်ချစ်တော်မူသည်ကို ငါတို့အား ထင်ရှားစွာ ပြတော်မူ၏။""ဟု ဆိုသည်။ ရော ၅း၈ ""ငါတို့သည် ဘုရားသခင် ကို ချစ်ကြသည်မဆို။ ဘုရားသခင်သည် ငါတို့ကို ချစ်၍ ငါတို့ အပြစ်ဖြေစရာအကြောင်း၊ ဖြစ်စေခြင်းငှာ၊ သားတော်ကို စေလွှတ်တော်မူသော အရာ၌ ချစ်ခြင်းမေတ္တာ(အဂ္ဂါပေ)ရှိ၏။
ဤကျမ်းပုဒ်များက အဂ္ဂါပေမေတ္တာသည် မည်သို့သောမေတ္တာမျိုးဖြစ်သည်ကို နားလည်စေသည်။ အဂ္ဂါပေမေတ္တာဆိုသည်မှာ အခြားသူတဦး၏ အထွတ်အထိပ်ကောင်းကျိုးအတွက် မိမိကိုယ်ကိုပေးအပ်၊ စွန့်လွှတ်ပူဇော်သော မေတ္တာမျိုးဖြစ်သည်။ အဂ္ဂါပေချစ်ခြင်းမေတ္တာ၏ အဓိက ကြန်အင် လက္ခဏာ မှာ တကိုယ်ကောင်းဆန်ခြင်း လုံးဝကင်းမဲ့သည်။ မိမိ၏အကျိုးစီးပွားကို မရှာဖွေဘဲ အခြားသူတဦး၏ အကောင်းဆုံး အကျိုးစီးပွားကို အမြဲတမ်း ရှာဖွေသော မေတ္တာမျိုးဖြစ်သည်။
၁ကော အခန်းကြီး(၁၃)ကို ""ချစ်ခြင်းမေတ္တာ၏အခန်းကြီး""ဟုလည်း ခေါ်သည်။ အကြောင်းမှာ ချစ်ခြင်းမေတ္တာသည် မည်သို့ပြုမူ လုပ်ဆောင် သည်ကို ပြောထားသောကြောင့်ဖြစ်သည်။ ""မေတ္တာသည် စိတ်ရှည်တတ်၏။ ကျေးဇူးပြုတတ်၏။ မေတ္တာသည် ဂုဏ်ပြိုင်ခြင်းမရှိ။ ၀ါကြွားခြင်းမရှိ၊ မာန်မာနမရှိ။ မလျောက်ပတ်စွာ မကျင့်တတ်၊ ကိုယ်အကျိုးကိုမရှာတတ်၊ ဒေါသအမျက်မထွက်တတ်၊ အပြစ်ရှိသည်ဟု မထင်တတ်။ မတရားအမှု့၌ ၀မ်းမြောက်ခြင်းမရှိတတ်။ သမ္မာတရား၌ ၀မ်းမြောက်တတ်၏။ ခပ်သိမ်းသော အရာကိုဖုံးအုပ်တတ်၏။ ခပ်သိမ်းသောအရာကို ယုံတတ်၏။ ခပ်သိမ်းသောအရာကို မျှော်လင့်တတ်၏။ ခပ်သိမ်းသောအရာကို သည်းခံတတ်၏။"" ၁ကော ၁၃း၎-၇(မှတ်ရန် ၁ကော ၁၃ တွင် သုံးထားသော ထိုဘာသာစကားသည် ""အဂ္ဂါပေ""ဖြစ်သည်။ ""အဂ္ဂါပေ""ကို King James Version ကျမ်းစာက ""ဂရုဏာ""ဟု ဘာသာပြန်ထားသော်လည်း ""ချစ်ခြင်းမေတ္တာ""ဟု ဘာသာပြန်ပါက အကောင်းဆုံးဖြစ်လိ့မ် မည်။
ဘုရားသခင်က ချစ်ခြင်းမေတ္တာကို ပြင်ဆင်ပေးမှု့
သခင်ကအချင်းချင်းချစ်ကြရန် မိန့်မှာထားသောချစ်ခြင်းမေတ္တာမျိုးသည် ကျွန်ုပ်တို့၌မရှိပါ။ ဘုရားသခင်သည် ကျွန်ုပ်တို့ မလုပ်နိုင်သော အရာကို လုပ်နိုင်အောင် မပြုလုပ်ပေးဘဲ ဘယ်တော့မှ အမိန့်ပေးမည် မဟုတ်ပါ။
ဘုရားသခင်က ကျွန်ုပ်တို့အချင်းချင်းအဂ္ဂါပေချစ်ခြင်းမေတ္တာမျိုးဖြင့် ချစ်နိုင်အောင် ဘယ်လိုလုပ် ပေးသနည်း။ သူသည် ကျွန်ုပ်တို့အတွင်း၌ တည်ရှိရန် သန့်ရှင်းသောဝိညာဉ်တော်ကို ပေးခဲ့သည်။ ခမည်းတော်နှင့်သားတော်အတွင်း၌ တည်ရှိသောဝိညာဉ်တော်သည် ယခုတွင် ကျွန်ုပ်တို့အတွင်း၌ လည်း အသက်ရှင်တည်ရှိလျက် ရှိသည်။ ဘုရားသခင်၏ နှလုံးသားအတွင်း၌ရှိသော အဂ္ဂါပေမေတ္တာတော်သည် သန့်ရှင်းသောဝိညာဉ်တော်၏ တန်ခိုးတော်အားဖြင့် ကျွန်ုပ်တို့၏နှလုံးသားတွင်းသို့ စီးဆင်းလာပြီး ထိုမှတဆင့် အခြားသူများထံသို့ ဆက်လက်စီးဆင်းလျက်ရှိသည်။ ကျမ်းစာက ""အဘယ်ကြောင့်နည်းမူကား၊ ငါတို့အား ပေးတော်မူသော သန့်ရှင်းသောဝိညာဉ်တော်သည် ဘုရားသခင်၏ မေတ္တာတော်ကို ငါတို့စိတ်နှလုံးထဲသို့ သွန်းလောင်းတော်မူ၏။"" ဟု ဆိုသည်။ ရော ၅း၅
အဂ္ဂါပေမေတ္တာသည် ကျွန်ုပ်တို့၏ မိမိဘာသာမိမိကြိုးစားအားထုတ်မှု(သို့) ကျွန်ုပ်တို့၏အတွင်းပိုင်း လှုံ့ဆော်မှုတခုခုကြောင့် ဖြစ်ပေါ်လာခြင်း မဟုတ်ပါ။ ဤမေတ္တာသည် ""၀ိညာဉ်တော်၏အသီး""ဖြစ် သည်။ ကျမ်းစာက ""၀ိညာဉ်တော်၏အကျိုးဟူမူကား၊ ချစ်ခြင်း...ပေတည်း""ဟု ဆိုသည်။ ဂလာတိ ၅း၂၂
ကျွန်ုပ်တို့သည် ဘုရားသခင်၏ မေတ္တာတော်ဖြတ်သန်းစီးဆင်းရန် လမ်းကြောင်း (Channel) များ ဖြစ်ရန်အတွက် ဘုရားသခင်ထံ တိုးဝင် အညံ့ခံသောအခါ ဘုရားသခင်၏ မေတ္တာတော်သည် ကျွန်ုပ်တို့ထံ စီးဆင်းလာပြီး ထိုမှတဆင့် အခြားသူများထံ ဆက်လက်စီးဆင်းမည်ဖြစ်သည်။ တစုံတဦးကို ဤသို့ပြော နိုင်သည်။ ""ဘုရားသခင်သည် သင့်အတွက်သူ့ရဲ့ထူးခြားကောင်းမွန်သော မေတ္တာတော်ကို ကျွန်ုပ်အတွင်း၌ ထည့်သွင်း ထားသောကြောင့် ကျွန်ုပ်သင့်ကိုချစ်သည်။"" ဤအဂ္ဂါပေမေတ္တာ၏ တန်ခိုးသည်အလွန်ကြီး သဖြင့် ကျွန်ုပ်တို့၏ရန်သူများကိုပင် ချစ်လာနိုင်စေသည်။
ပထမဦးဆုံး မာတုရသတေဖန်သည် သူ့ကိုကျောက်တုံးဖြင့် ပစ်သတ်ခဲ့သူများအတွက် ဆုတောင်း ပေးနိုင်ခဲ့ခြင်းမှာ အဂ္ဂါပေချစ်ခြင်းမေတ္တာ ကြောင့်သာဖြစ်သည်။
သင်မချစ်သောသူတဦးကို မည်သို့ချစ်လာနိုင်မည်နည်း။
ကျွန်ုပ်တို့သည် ကျွန်ုပ်တို့၏စိတ်ဝိညာဉ်၌ အခြားယုံကြည်သူများနှင့် တလုံးတ၀တည်းဖြစ်သော်လည်း ကျွန်ုပ်တို့၏စိတ်နှင့် ပုဂ်္ဂိုလ်ရေးရာတို့မှာမူ အခြားသူများနှင့် လုံးဝကွာခြားသည်။ ကျွန်ုပ်တို့၏ ပုဂ်္ဂိုလ်ရေး မှာတဦးနှင့်တဦးအလွန်ကွာခြားသဖြင့် ကျွန်ုပ်တို့သည် အချို့သောလူများကို နှစ်သက် သဘောကျပြီး အချို့ သောသူများကိုမူ နှစ်သက်သဘောကျခြင်းမရှိပါ။ ဤအရာသည် အပြစ်မရှိပါ။ ဘုရားသခင်သည် ကျွန်ုပ်တို့ကို တဦးနှင့်တဦး မတူညီအောင် ဖန်ဆင်းထားသောကြောင့် ကျွန်ုပ်တို့တွင် မတူညီသောနှစ်သက်မှုများနှင့် မနှစ်သက်မှု့များ ရှိနိုင်သည်။ သခင်ယေရှုက ယုံကြည်သူတိုင်း ကို နှစ်သက်ရမည်ဟု မပြောထားပဲ ချစ်ရမည်ဟုသာပြောထားသည်။ ခရစ်ယာန်တစ်ဦးဦးကို မချစ်လျှင်မူအပြစ်ရှိသည်။ ကျမ်းစာက ""မိမိညီ အစ်ကိုကို မုန်းသောသူမည်သည်ကား၊ လူအသက်ကိုသတ်သောသူဖြစ်၏။ လူအသက်ကိုသတ်သော တစုံ တယောက်၌မျှ ထာဝရအသက်မတည်သည်ကို သင့်တို့သိကြ၏။""ဟုဆိုသည်။ ၁ယော ၁၄-၁၅
ယခုအချိန်တွင် ဘုရားသခင်က သင် မချစ်သောသူတစ်ယောက်အကြောင်း သင်ကိုပြောနေပေမည်။ ထိုသူသည် ဆွေမျိုး(သို့) အသင်းဝင်သူ ချင်း (သို့) အခြားတဦးဦးဖြစ်ချင်ဖြစ်လိမ့်မည်။ သင်ကဤသို့ပြော လိမ့်မည်။ ""ထိုသူကို ကျွန်ုပ်ချစ်သင့်တယ်ဆိုတာကို သိပါတယ်။ သို့သော် ချစ်နိုင်အောင် ဘယ်လိုလုပ်ရ မလဲ?"" သင်လုပ်ဆောင်ရမည့် အဆင့်များမှာ အောက်ပါအတိုင်းဖြစ်သည်။
အဆင့် ၁။ ကျွန်ုပ်သည် ကျွန်ုပ်၌ချစ်ခြင်းမေတ္တာမရှိခြင်းသည် အပြစ်ဖြစ်သည်ဟု ၀န်ခံရမည်။
ကျွန်ုပ်၏နှလုံးသား၌ ချစ်ခြင်းမေတ္တာကင်းမဲ့ခြင်း(မချစ်တတ်ခြင်း)သည် အပြစ်ဖြစ်သည်။ ကျွန်ုပ် နှလုံးသား၏သဘောထားသည် မှားယွင်းနေ လျှင်၊ ကျွန်ုပ်သည် ထိုအချက်ကို အသိအမှတ်ပြု၍ အပြစ်တခု အနေဖြင့် ထိုမှားသောသဘောထားကို ဘုရားသခင်ထံ ၀န်ခံတောင်းပန်ရမည်ဖြစ်သည်။ ယေရှုခရစ်တော်၏ အသွေးတော်သည် အပြစ်များကို ၀န်ချပါက ကျွန်ုပ်၏အပြစ်အားလုံးကို ဆေးကြောသန့်စင်စေသော်လည်း အကြောင်းပြချက်ပေး၍ အပြစ်ကို ၀န်မခံလျှင် ဆေးကြောပေးမည် မဟုတ်ပါ။
ထို့နောက်မချစ်တတ်ခြင်း၏အပြစ်မှ ရွေးနှုတ်ခြင်းခံရရန်အတွက် မိမိစိတ်အလိုကို ထိန်းကျောင်း လေ့ကျင့်ပေး၍ ချစ်တတ်သောစိတ်ကို မွေးမြူ ရမည်ဖြစ်သည်။ ကျွန်ုပ်၏စိတ်အလိုကို မလေ့ကျင့်၍ ချစ်တတ်သောစိတ်ကို မမွေးမြူပါက မချစ်တတ်ခြင်း၏အပြစ်မှ ရွေးနှုတ်ခြင်း ဘယ်တော့မှ ခံရမည် မဟုတ်ပါ။
အဆင့် ၂။ ခရစ်တော်၌ ကျွန်ုပ်သည် မချစ်တတ်ခြင်း၏ အပြစ်မှ စုတေ့(သေ)သည်။
ခရစ်တော်၌ ကျွန်ုပ်သည်ထိုအပြစ်မှ စုတေ့သည်ဟူသော အချက်ကိုယုံကြည်စိတ်ချခြင်းအားဖြင့် ကျွန်ုပ်သည် မည်သည့်အပြစ်မှမဆို ရွေးနုတ် ခြင်းခံရနိုင်သည်။ ကျမ်းစာက ""ထိုသို့မှန်လျှင် အဘယ်သို့ ပြောရမည်နည်း။ ကျေးဇူးတော်ပွားများစေခြင်းငှာ၊ အပြစ်တရားကို ကျင့်၍ နေရမည် လော။ ထိုသို့မနေရ။ အပြစ်တရားမှ စုတေ့သာသူတို့သည် ထိုတရား၌အဘယ်သို့ရှင်ရဦးမည်နည်း။""ဟု ဆိုသည်။ ရော ၆း၁-၂ မည်သည့် ခရစ်ယာန်မှ အပြစ်တရား၌ ဆက်လက်အသက်မရှင်သင့်ပါ။ အကြောင်းမှာ သူသည်ခရစ်တော်၌ အပြစ်တရားမှ စုတေ့သောကြောင့်ဖြစ်သည်။ ခရစ်တော်၌ပင် ကျွန်ုပ်တို့သည် မချစ်တတ်ခြင်း၏အပြစ်မှ စုတေ့သည်။ ဤကျမ်းပုဒ်များကို မိမိအပိုင်ဖြစ်အောင် ပြုလုပ်ကြပါစို့။
ကျွန်ုပ် ဘယ်လို ဆက်အသက်ရှင် ရမည်နည်း။
ကျွန်ုပ် ဘယ်လို ဆက်အသက်ရှင်ရမည်နည်း။ ကျွန်ုပ်သည် ဤသို့သော မချစ်တတ်ခြင်း၏အပြစ်၌ ဆက်လက်ရှင်သန် သင့် သလော။ လုံးဝ မရှင်သန်သင့်ပါ။ ကျွန်ုပ်သည် မချစ်တတ်ခြင်း၏အပြစ်မှ စုတေ့ပြီ ဖြစ်သောကြောင့် နောက်ထပ် ထိုအပြစ်၌ ဆက်လက် အသက်မရှင်သင့်တော့ပါ။ ကျွနုုပ် ကျန်ရှိနေသေးသော ဘ၀ တလျှောက်လုံး၌ ထိုမချစ်တတ်ခြင်းအပြစ်၏ ကျွန်အဖြစ်အသက်ရှင်ရမည်လော။ မရှင်ရပါ။ ဘုရားသခင် ၏နှုတ်ကပတ်တော်က ထိုအပြစ်မှ ကျွန်ုပ်သေသည်ဟု ပြောထားသည်။ ကျွန်ုပ်သည် ဘုရားသခင်၏နှုတ်ကပတ်တော် ကို ယုံကြည်ခြင်းဖြင့် ရှေ့ဆက်လှမ်းရမည်ဖြစ်သည်။
အဆင့် (၃) ။ ထိုလူကို ချစ်ရန်အတွက် ကျွန်ုပ် ရွေးချယ်ဆုံးဖြတ်ရမည်။
ကျွန်ုပ်သည် ကျွန်ုပ်၏ခံစားချက်များကို မထိန်းချုပ်နိုင်သော်လည်း ကျွန်ုပ်၏စိတ်အလိုဆန္ဒကိုမူ ထိန်းချုပ်နိုင်သည်။ ကျွန်ုပ်သည် ထိုသူကို ချစ်သောခံစားချက်မျိုး ရှိလာအောင်မပြုလုပ်နိုင်သော်လည်း၊ ထိုသူကိုချစ်ရန်အတွက် ရွေးချယ်ဆုံးဖြတ်နိုင်သည်။ ကျွန်ုပ်သည် ထိုသို့ရွေးချယ်ဆုံးဖြတ်ပြီး ထိုရွေးချယ်မှု ကိုဆက်လက်ကိုင်ဆွဲထားပါက အချိန်တန်လျှင် ကျွန်ုပ်၏ခံစားချက်များသည် ကျွန်ုပ်စိတ်အလိုဆန္ဒ၏ ရွေးချယ်ခဲ့မှု့အနောက်သို့ လိုက်လာ လိမ့်မည်။ မှတ်မိရမည့်အရေးကြီးသည့်အချက်မှာ ""ကျွန်ုပ်သည် ကျွန်ုပ်စိတ်အလိုဆန္ဒ ၏ဆုံးဖြတ်ချက်ရဲ့ ထိန်းချုပ်ထားမှုကို ခံရပြီး ကျွန်ုပ်ခံစားချက်များ ၏ ထိန်းချုပ်မှုကို မခံရပါ။
သင်က ဤသို့ပြောလိမ့်မည်။ ""အကယ်၍ ထိုလူသာ ကျွန်ုပ်၏ချစ်ခြင်းမေတ္တာကို ပြန်မတုံ့ပြန်ရင် ရော? သင်သည် ဘယ်လိုပဲဖြစ်ဖြစ် ထိုသူကို ချစ်နိုင်သည်။ ယေရှုက ""ကိုယ်နှင့်စပ်ဆိုင်သောသူကို ချစ်လော့။ ရန်သူကိုမုန်းလော့ဟူသော ပညတ်စကားကို သင်တို့ကြားရပြီ။ ငါပညတ်သည်ကား၊ သင်တို့ သည်ကောင်းကင်ဘုံ၌ ရှိတော်မူသောသင်တို့အဘ၏သားဖြစ်လိုသောငှာ၊ သင်တို့၏ရန်သူတို့ကိုချစ်ကြ လော့။ သင်တို့ကို ကျိန်ဆဲသောသူတို့အား မေတ္တာပို့ကြလော့။ သင်တို့ကို မုန်းသောသူတို့အား ကျေးဇူးပြု ကြလော့။ သင်တို့ကိုနှောင့်ယှက်ညှဉ်းဆဲသောသူတို့အဖို့ ဘုရားသခင်ကို ဆုတောင်းကြ လော့။""ဟု ဆိုသည်။ မဿဲ ၅း၄၃-၄၄
အဆင့် (၄) ။ ကျွန်ုပ်မလုပ်နိုင်သောအရာကို လုပ်နိုင်ရန်အတွက် ဘုရားသခင်ကို ယုံကြည်စိတ်ချ ရမည်။
ရောမ ၇ တွင် ပေါလုက သူသည်မှန်သောအရာကို အလိုရှိ (သို့)ရွေးချယ်လိုသော်လည်း ထိုသို့ လုပ်ရန် မိမိဘာသာမိမိ လုပ်နိုင်စွမ်းမရှိပါ။ ပေါလုသည် ထိုသို့လုပ်နိုင်ရန်အတွက် သူ့အတွင်း၌ရှိသော သန့်ရှင်းသောဝိညာဉ်တော်ကို မှီခိုအားကိုးမည်ဆိုတာကို သင်ယူသိရှိခဲ့သည်။
ကျွန်ုပ်တို့သည်လည်း ထိုအတိုင်းပင်ဖြစ်သည်။ ကျွန်ုပ်သည် တစုံတဦးကို ချစ်ရန်အတွက် ရွေးချယ် မည်ဖြစ်သော်လည်း မိမိဘာသာမိမိဆိုလျှင် ချစ်နိုင်မည် မဟုတ်ပါ။ ထိုသို့ချစ်နိုင်ရန်အတွက် ကျွန်ုပ်အတွင်း ၌ရှိသော သန့်ရှင်းသောဝိညာဉ်တော်ကို မှီခိုအားကိုးရမည်ဖြစ်သည်။ သူကချစ်နိုင်ရန် ပြုလုပ်ပေးမည်ဖြစ်ပြီး ကျွန်ုပ်က ဆုံးဖြတ်ချက်ချရမည်ဖြစ်သည်။ ဘုရားသခင်ကို ဤသို့ပြောရမည် ""သခင်၊ ကျွန်ုပ်သည် ထိုသူကိုချစ်ရန်အတွက် ရွေးချယ်ပါ၏။ မိမိဘာသာမိမိဆိုလျှင်၊ ထိုသို့ချစ်နိုင်မည် မဟုတ်ပါ။ ကျွန်ုပ်သည် ချစ်နိုင်ဖို့ ကိုယ်တော်ကို ယုံကြည်အားကိုးပါ၏။""
ဘုရားသခင်သည် သူ၏နှုတ်ကပတ်တော်နှင့် သဘောထားချင်းကိုက်ညီသော မည်သည့်ဆုံးဖြတ် ချက်ကိုမဆို အကောင်အထည်ဖော် လုပ်ဆောင်ပေးရန်အတွက် အမြဲတမ်းအဆင်သင့်ရှိနေသည်။ သို့သော် ကျွန်ုပ်တို့က ထိုသို့ဆုံးဖြတ်ချက်ကိုချရန်အတွက် ရွေးချယ်ရမည်။ ကျမ်းစာက ""သင်ကြံစည်သောအကြံ အစည်သည် ထမြောက်၍ သင်သွားရာလမ်း၌ ရောင်ခြည်ထွန်းလိမ့်မည်""ဟု ဆိုသည်။ ယောဘ ၂၂း၂၈
အဆင့် (၅) ။ ကျွန်ုပ်၏နှလုံးသားအတွင်း၌ ထိုသူအတွက် ဆုတောင်းရမည်။
တခါတရံ၌ ကျွန်ုပ်သည် ဘုရားသခင်အား လုပ်ဆောင်ပေးရန်အတွက် တောင်းဆိုပြီးသော်လည်း ဘာမှဖြစ်လာပုံမပေါ်ပါ။ နောက်ထပ် ဘာဆက်လုပ်ရမည်နည်း။ ထိုသူအတွက် စတင်ဆုတောင်းပေးရမည်။ ဘုရားသခင်က အခြားသူတဦးအပေါ်သို့ ကောင်းချီး သွန်းလောင်းပေးရန်အတွက်၊ ကျွန်ုပ်သည် ရိုးသားစွာဖြင့်အလေးအနက်တောင်းဆိုပါက ဘုရားသခင်သည် ကျွန်ုပ်အားပြောင်းလဲစေရန်အတွက် ကျွန်ုပ်၏ နှလုံး သားအတွင်း၌ အလုပ်လုပ်နေမည်ဖြစ်သည်။
အဆင့် (၆) ။ ထိုသူအပေါ်၌ထားသော ကျွန်ုပ်၏သဘောထားကို ပြောင်းလဲရန်အတွက် အလေးအနက် ထားလုပ်ဆောင်ရမည်။
ကျွန်ုပ်တို့မနှစ်သက်သည့် အခြားယုံကြည်သူတဦးကို ဝေဖန်တက်ခြင်းနှင့် မချစ်ချင်းတို့သည်၊ ဘုရားသခင်၏ထူးခြားကောင်းမွန်သော အစီ အစဉ်ကို မမြင်နိုင်ခြင်းပင်ဖြစ်သည်။ ဘုရားသခင်သည် ကျွန်ုပ် တို့ကို တဦးနှင့်တဦး မတူညီကွဲပြားစေသည်။ သူသည် ကျွန်ုပ်တို့ကို တဦးနှင့်တဦး ကွဲပြား အောင် ဖန်ဆင်းထားသည့် ရည်ရွယ်ချက်မှာ ကျွန်ုပ်တို့တဦးစီတိုင်းသည် မိမိတို့၏ အတုမရှိသော ကိုယ်ပိုင်ဟန်ဖြင့် ခရစ်တော်၏ဘုန်းတော်ကို ထင်ရှား စေနိုင်ရန်ဖြစ်သည်။ ကျွန်ုပ်သည် ဘုရားသခင်၏ ကြီးမြတ်သောအစီအစဉ် ကို သိမြင်လာချိန်တွင် ကျွန်ုပ်သည် အခြားယုံကြည်သူများကို အထင်ကြီး၍ ချစ်ခင်လာနိုင်မည်ဖြစ်သည်။ အကြောင်းမှာ သူသည် ဘုရားသခင်အတွက် အဖိုးထိုက်တန်ပြီး ခရစ်တော်၏ဘုန်းတော်ကို ထူးခြား ကောင်းမွန်၍ အတုမရှိ သောပုံစံမျိုးဖြင့် ကြေငြာမောင်းခေတ်ထင်ရှားစေမည်ဖြစ်သောကြောင့် ဖြစ်သည်။
အဆင့် (၇) ။ ကျွန်ုပ်သည် ထိုသူကိုသွားတွေ့ရန် လိုကောင်းလိုလိမ့်မည်။
ကျွန်ုပ်တို့သည် ထိုသူကို သွားတွေ့၍ သူနှင့်အတူစကားပြောဆိုကြသောအခါ ဘုရားသခင်သည် တခါတရံ အံ့သြဖွယ်အမှုကို လုပ်ဆောင် သည်။ ကျွန်ုပ်တို့သည် ကျွန်ုပ်တို့၏နှလုံးသားအတွင်း၌ ထိုသူ အတွက် ချစ်ခြင်းမေတ္တာကို ကိန်းဝပ်လျက်ရှိသည်ကို အံ့သြစွာဖြင့် သိရှိလာလေ့ရှိသည်။ ယေရှုသည် လက်သေနေသူတစ်ဦးအား လက်ကိုဆန့်စေရန်ပြောခဲ့သည်။ ထိုသူသည် သခင့်စကားကို နာခံခဲ့ သောကြောင့် ဘုရားသခင်၏ တန်ခိုးတော် သည် သူ့အတွင်းသို့ စီးဆင်း၍ သူအရင်ကမလုပ်နိုင်သောအရာ ကို လုပ်နိုင်ခဲ့သည်ကို သူကိုယ်တိုင်သိရှိခံစားခဲ့ရသည်။
အဆင့် (၈) ။ ကျွန်ုပ်သည် သူ့အပေါ်တွင် ကောင်းမွန်စွာပြုမူဆက်ဆံနိုင်ရန်အတွက် အစီအစဉ် ချထားမည်။
သင်သည် တစုံတဦးကို မချစ်တာတောင်မှ အကယ်၍ သင်သာ ထိုသူကိုချစ်ပါက သူ့အတွက် သင်လုပ်ပေးမည့်အရာတို့ကို စဉ်းစား၍ သူ့အတွက်လုပ်ဆောင်ပေးပါ။
သင်သည် တစုံတဦးကိုမချစ်သော်လည်း သူ့ကိုတကယ်ချစ်သလိုမျိုး ပြုမူဆက်ဆံပြီး သူ့အတွက် ကောင်းမွန်သောအရာတို့ကို ပြုလုပ်ပေး မည်ဖြစ်သည်။
သင်က ""ကျွန်ုပ်သာ ထိုသို့ပြုလုပ်ပေးပါက သူတော်ကောင်းယောင်ဆောင်သလို ဖြစ်မနေဘူးလား"" ဟုပြောလိမ့်မည်။ မဖြစ်ပါ။ သင့်အတွင်း၌ ခရစ်တော်၏ အသက်တာနှင့် အပြစ်ရှိသော ဇာတိပကတိ အသက်တာနှစ်ခုရှိသည်။ သင်သည် မည်သည့်အသက်တာကို ဖော်ထုတ်ပြသမလဲဆိုတာကို ရွေးချယ်ရမည်။ သင်သည် ခရစ်တော်၏အသက်တာကို ဖော်ထုတ်ပြသရန် သူ့(ခရစ်တော်)မေတ္တာကို အခြားသူတဦးအား ဖော်ထုတ်ပြသရန်အတွက် ရွေးချယ်ခြင်းသည် သူတော်ကောင်းယောင်ဆောင်ခြင်းမဟုတ်ပါ။
ချစ်ခြင်းမေတ္တာအားဖြင့် ပြုမူလုပ်ဆောင်ရန်အတွက် ချစ်ခြင်းမေတ္တာကို ခံစားရသော ခံစားချက်မျိုး ရှိရန်မလိုပါ။ ခရစ်ယာန်စာရေးဆရာ C.S. Lewis က ""ကျွန်ုပ်တို့အားလုံးအတွက် စည်းမျဉ်းမှာ လိုတိုရှင်း သည်။ သင့်အိမ်နီးချင်းကိုချစ်လား မချစ်လားဆိုတာကို စဉ်းစားနေခြင်းဖြင့် အချိန်ကုန် မခံပါနှင့်။ သူ့ကို တကယ်ချစ်သလိုမျိုး သူနှင့်ပတ်သက်၍ ပြုမူလုပ်ဆောင်ပါ။ ကျွန်ုပ်တို့သည် ဤအရာကို လုပ်သည်နှင့် တပြိုင်နက်၊ ကြီးမြတ်သော လျှို့ဝှက်ချက်များထဲမှ တခုကို သိရှိလာလိမ့်မည်။ ""သင်သည် တစုံတဦးကို မချစ်သော်လည်း တကယ်ချစ်သလိုမျိုး၊ သူ့အပေါ် ပြူမူဆက်ဆံပါက သင်သည်လက်တွေ့ပင် သူ့တို့ကို အမှန်တကယ် ချစ်လာနိုင်မည်။"" (C.S. Lewis. Mere Christianity)
ချစ်ခြင်းမေတ္တာသည် မမြင်နိုင်သောအရာများကို ကျွန်ုပ်တို့အား မြင်နိုင်စေသည်။
လူများသည် မမြင်နိုင်သောဘုရားကို မည်သို့ ""မြင်""နိုင်မည်နည်း။ လူများသည် ဘုရားကို သူ၏ လူများ၌သာမြင်နိုင်မည်ဖြစ်သည်။ တမန်တော်ယောဟန်က ""ဘုရားသခင်ကို အဘယ်သူမျှမမြင်ဘူး၊ သို့သော်လည်း အချင်းချင်း ချစ်ကြလျှင် ဘုရားသခင်သည် ငါတို့၌တည်တော်မူ၍ ငါတို့သည် ချစ်ခြင်း မေတ္တာတော်နှင့် ပြည့်စုံလျက်ရှိကြ၏။""ဟု ပြောခဲ့သည်။
ယောဟန်သည် ဘာကိုဆိုလိုခြင်းဖြစ်သနည်း။ သူဆိုလိုသည်မှာ ""မည်သူကမှ ဘုရားသခင်ကို မမြင်ဖူးပါ။ သို့သော် ကျွန်ုပ်တို့သည် အချင်းချင်း ချစ်ကြပါက၊ လူများသည် ကျွန်ုပ်တို့အတွင်း၌ ဘုရားသခင်၏ မေတ္တာတော်ကို ကိန်းဝပ်လျက်ရှိသည်ကို သိရှိသွားကြပြီး သူတို့သည် မမြင်နိုင်သော ဘုရားကိုပင် မြင်တွေ့လာနိုင်မည်ဖြစ်သည်။
အဂ္ဂါပေချစ်ခြင်းမေတ္တာသည် မတိုင်းတာနိုင်လောက်အောင် တန်ခိုးကြီးမားသည်။
ရုရှားနိုင်ငံ မေရီ ဆိုသောမိန်းကလေးသည် ယေရှုခရစ်တော်ကို သက်ဝင်ယုံကြည်ခြင်းကြောင့် ထောင်သွင်းအကျဉ်းချခြင်းခံရသည်။ ဤအဖြစ်အပျက်သည် အဂ္ဂါပေချစ်ခြင်းမေတ္တာတန်ခိုးကြီးမားပုံကို ပြသည်။ သူမ၏ထောင်အခန်းလေးထဲမှ ဤသို့ရေးခဲ့သည်။
ဂျူးလူမျိုးများသည် ဘုရားမဲ့သောတပါးအမျိုးသားတိုင်းပြည်တွင် နေထိုင်ခဲ့ရသကဲ့သို့ ယခု ကျွန်မ လည်း ဘုရားမဲ့သောလူ့အဖွဲ့အစည်းတွင် နေထိုင်နေရသည်။ ၄င်းတို့ထဲမှ တဦးသည် ကျွန်မကို နှစ်သက် စွဲမက်လာခဲ့သည်။ သူမက ""ရှင်ဘယ်လိုလူစားမျိုးလဲဆိုတာ ကျွန်မ နားမလည်နိုင် တော့ ဘူး။ ဒီကလူတွေများစွာက ရှင့်ကိုစော်ကားကဲ့ရဲ့တာတောင်မှ ရှင်သူတို့အားလုံးကို ချစ်နိုင်သေးတယ်။""ဟု ပြောခဲ့ သည်။ အရင်က သူမသည် ကျွန်မကို ဒုက္ခဝေဒနာများ ခံစားစေခဲ့သော်လည်း ကျွန်မသည် သူ့အတွက် လေးနက်စွာ ဆုတောင်းပေးခဲ့သည်။ နောက်တကြိမ်တွင် သူမက သူမကို ကျွန်မ ချစ်နိုင်မလားဟု မေးခဲ့ သည်။ ကျွန်မသည် ကျွန်မ၏လက်ကို သူမထံသို့ ဆန့်တန်းထားလိုက်ပြီး ကျွန်မတို့နှစ်ယောက် အတူတူ ဖက်၍ ငိုကြွေးခဲ့ကြသည်။ ယခုတွင်မူ ကျွန်မတို့အတူတူ ဆုတောင်းကြသည်။ .... သူမ၏နာမည်မှာ ဘာဘရာဖြစ်သည်။
ဘာဘရာသည် ခရစ်တော်ကို သူမ၏ ကယ်တင်ရှင်အဖြစ် လက်ခံခဲ့ပြီး ခရစ်တော်၌ ထားရှိသော သူမ၏ယုံကြည်ခြင်းကို အခြားသူတို့ရှေ့တွင် ရဲဝံ့စွာ သက်သေခံခဲ့သည်။ သူမ၏ကြောက်ရွံ့ခြင်း ကင်းမဲ့ သော သက်သေခံခြင်းကြောင့် သူမသည် ရိုက်နှက်ခံရပြီး အကျဉ်းချခံခဲ့ရသည်။ မနေ့က ကျွန်မ၏ ချစ်စွာ သော ဘာဘရာကို သူမ၏ ထောင်ခန်းထဲတွင် ပထမဆုံးအကြိမ် ပြန်တွေ့ခဲ့သည်။ သူမသည် အလွန်ပိန်၍ ဖြူဖက်ဖြူရော်ဖြစ်နေပြီး ရိုက်နှက်ထားသောဒဏ်ရာများလည်း သူမ၏၌တွေ့ရသည်။ သူမနှင့်ပတ်သက်၍ တောက်ပမှုရှိသောအရာများမှာ ငြိမ်သက်ခြင်းနှင့် ပျော်ရွှင်ဝမ်းမြောက် ခြင်းတို့ဖြင့် ပြည့်နှက်လျက်ရှိသော သူမ၏မျက်စိများပင်ဖြစ်သည်။ ကျွန်မက သူမကို ဘားတန်းအပြင်မှ ဤသို့မေးလိုက်သည်။ ""ဘာဘရာ၊ ရှင်လုပ်ခဲ့တဲ့ အရာအတွက် ရှင်နောင်တမရဘူးလား"" သူမက ""မရပါဘူး""ဟု ခိုင်ခိုင်မာမာပြန်ဖြေသည်။ ""အကယ်၍ သူတို့ကျွန်မကို ထောင်ကလွှတ်လိုက်ရင်၊ ကျွန်မရဲ့ ရဲဘော်တွေဆီသွားပြီး အံ့သြဖွယ်ခရစ်တော်၏ အံ့သြဖွယ်မေတ္တာတော်အကြောင်းကိုဆက်ပြီး ပြောပြသက်သေခံဦးမှာပါ။ သခင်က ကျွန်မကို အရမ်းချစ်ပြီး သူ့အတွက်ဝေဒနာခံစားပေးဖို့ ထိုက်တန်သူတဦးလို့ ကျွန်မကို သတ်မှတ်ပေးသည့်အတွက် ကျွန်မ၀မ်းသာပါတယ်"" ဟုပြောခဲ့သည်။
ရှာဖွေ့တွေ့ရှိသော ရတနာ
ဘုရားသခင်သည် သူ၏အံ့ဘွယ်ချစ်ခြင်းမေတ္တာတော်ကို ကျွန်ုပ်၌ထည့်ပေးခြင်းကြောင့် အခြားသူများကို ကျွန်ုပ် ချစ်မေတ္တာ ရှိနိုင်သည်။
မှန်/မှား
၁။ ကျွန်ုပ်တို့သည် အချင်းချင်းချစ်ရကြမည်ဟူသော သခင်ယေရှု၏အမိန့်တော်သည် ချစ်မည်လား၊ မချစ်မည်လားဟု ရွေးချယ်မှုမပြုလုပ်နိုင်သော အမိန့်တော်မျိုးဖြစ်သည်။
၂။ "အချင်းချင်း ချစ်ရကြမည်"ဟုဆိုရာတွင်သဘာဝအရ မိမိသဘောကျနှစ်သက်သော ယုံကြည်သူများ ကိုသာ ချစ်ကြရန် ဆိုလိုသည်။
၃။ ဘုရားသခင်က ကျွန်ုပ်တို့အချင်းချင်း အဂ္ဂါပေမေတ္တာမျိုးဖြင့် ချစ်နိုင်ရန်အတွက် ကျွန်ုပ်တို့အတွင်း ၌ တည်ရှိရန် သန့်ရှင်းသောဝိညာဉ်တော်ကို ပေးခဲ့သည်။
၎။ တစုံတဦးအပေါ်တွင် ထားရှိသော ကျွန်ုပ်၏ခံစားချက်ကို ကျွန်ုပ်မထိန်းချုပ်နိုင်သောကြောင့် ထိုသူကို ချစ်ရန်အတွက် ကျွန်ုပ်၏အလိုဆန္ဒကို မထိန်းချုပ် နိုင်ပါ။
၅။ ကျွန်ုပ်သည် အခြားသူများကို ချစ်နိုင်ခြင်းမှာ ဘုရားသခင်သည် သူ၏အံ့သြဖွယ်ကောင်းမွန်သော မေတ္တာတော်ကို ကျွန်ုပ်နှလုံးသားအတွင်းသို့ ထည့် ထားသောကြောင့်ဖြစ်သည်။
၆။ အဂ္ဂါပေချစ်ခြင်းမေတ္တာ၏ အဓိကကြန်အင်လက္ခဏာမှာ တကိုယ်ကောင်းဆန်ခြင်းဖြစ်သည်။
၇။ တစုံတဦးကို မချစ်ခြင်းသည် အပြစ်ဖြစ်သည်။
၈။ "အကယ်၍ သင်သည်တစုံတဦးကို မချစ်လျှင်တောင်မှ၊ အကယ်၍ သင်သာသူ့ကိုချစ်ခဲ့လျှင်ဟုတွေး ၍ သူ့ အတွက် ကောင်းမွန်သောအရာ တို့ကို လုပ်ဆောင်ပေးပါ။" ဤအချက်သည် မှန်ကန်သလော (သို့) သူတော်ကောင်းယောင်ဆောင်ထားခြင်းလော?
၉။ ဘုရားသခင်သည် သူကကျွန်ုပ်တို့ကို အဂ္ဂါပေချစ်ခြင်းမေတ္တာဖြင့် ချစ်သလိုမျိုး၊ ကျွန်ုပ်တို့ အချင်းချင်းကိုလည်း ထိုမေတ္တာမျိုးဖြင့် ချစ်စေလိုသည်။
၁၀။ ပထမဦးဆုံး မာတုရမှာ ပေတရုဖြစ်သည်။
ရဲလင်းထွန်း (အင်းစိန်)
