Pages

လူအပေါင်းတို့သည် ကယ်တင်ခြင်းတို့ရောက်၍ သမ္ထာတရားကို သိစေခြင်းဌာ ဘုရားသခင်အလိုရှိ၏၊ ၁တိ၂း၎

Thursday, January 19, 2012

ဘုရားသခင်ကို မည်ကဲ့သိုဝမ်းမြောက်စေမည်နည်း။ (အပိုင်း-၁)


ဘုရားသခင်ကို မည်ကဲ့သို့ ၀မ်းမြောက်စေမည်နည်း။ (အပိုင်း-၁)  
သင်ခန်းစာ (၁၅)
Lesson # 15 How to Enjoy God (part 1)
သော့ချက်ကျမ်းပိုဒ်၊ ယေရမိ၊ ၃၁း၃။
ဖတ်ရန်ကျမ်းပိုဒ်၊  ရောမ၊ ၅း၁-၁၁။ ၁ယော၊ ၄း၇-၂၁။



သော့ချက်ကျမ်းပိုဒ်၊ ယေရမိ၊ ၃၁း၃။
            ထာဝရဘုရားသည် အဝေးက ထင်ရှား၍၊ မိန့်တော်မူသည်ကား၊ အကယ်စင်စစ် ထာဝရမေတ္တာနှင့် သင့်ကို ငါ ချစ် ၏။ ထိုကြောင့်၊ ကရုဏာကျေးဇူးကို သင်၌ကြာမြင့်စွာ ပြ၏။

ချစ်မိတ်ဆွေ၊
            ကျွန်ုပ်တို့သည် ဘုရားသခင်၌ပြည့်ဝစွာပျော်မွေ့နိုင်ရန်အတွက် ဘုရားသခင်သည် ကျွနု်ပ်တို့အား သူ့အကြောင်း ကို လွန်စွာပင် သိစေချင်ပါသည်။ သူသည်ကျွန်ုပ်တို့၏ယုံကြည်မှုနှင့်ချစ်ခင်မှုကိုရယူခြင်းဖြင့် သူ၏ရှေ့တော်၌ ကျွန်ုပ်တို့ ကိုမွေ့လျော်ခြင်း၊ သူ၏ချစ်ခြင်းမေတ္တာပေါ်၌ကျွန်ုပ်တို့ကို ၀မ်းမြောက် ခံစားစေချင်ပါသည်။
 
ဘုရားကိုတစ်ကယ်ချစ်ပြီး ဘုရားသားဖြစ်နိုင်သော်လည်း ကျွန်ုပ်တို့အပေါ်ဘုရားသခင်၏စိတ်နေသဘောထားကို ကျွန်ုပ်တို့သိချင်မှသိနိုင်ပါမည်။ များစွာသောဘုရားသခင်ချစ်သည့်သားသမီးများက၊ သူတို့ကိုဘုရားသခင်သည် အစဉ် အမြဲ မနှစ်သက်ဘဲ စိတ်ပျက်နေသည်ဟု ထင်ကြပါသည်။ သူတို့၏အမှားများ၊ရှုံးနှိမ့်မှုများကြောင့် ဘုရားသခင်သည် သူတို့ အပေါ် မေတ္တာရှိနိုင်မည်မဟုတ်ဟု ထင်ကြပါသည်။
            ကျွန်ုပ်တို့သည် ကိုယ်ကိုကိုယ် မည်ကဲ့သို့ထင်မြင်သည်ကိုမထောက်ထားဘဲ၊ ဘုရားသခင်သည် ကျွန်ုပ်တို့ကို နှစ်သက်တော်မူပါသည်။ ကျမ်းစာက““ကြောက်ရွံ့သောသူနှင့်ဂရုဏာတော်ကိုမြော်လင့်သော သူတို့ကို ထာဝရဘုရား နှစ်သက်တော်မူ၏။””ဟုဆိုပါသည်။ ဆာလံ ၁၄၇း၁၁ ယုံကြည်သူအားလုံးတို့သည် ဘုရားသခင်ကို ကြောက်ရွံ့၍ သူ၏ ဂရုဏာတော်ကိုမြော်လင့်သောကြောင့် ဤကျမ်းပိုဒ်သည် ဘုရားသခင်၏လူတို့ကို ရည်ညွှန်းပါသည်။ တဖန်ကျမ်းစာက““ အကြောင်းမူကား၊ ထာဝရဘုရားသည် မိမိလူစုကိုနှစ်သက်တော်မူ၏။ စိတ်နှိမ့်ချသောသူတို့ကို ကယ်တင်ခြင်းအားဖြင့် အသရေ တင့်တယ်စေတော်မူ၏””ဟုဆိုပါသည်။ ဆာလံ ၁၄၉း၎
            ကျွန်ုပ်၏အသက်တာတွင် များစွာသော မှားယွင်းမှုများ၊ ရှုံးနှိမ့်မှုများရှိပါလျက်၊ ဘုရားသခင်သည် ကျွန်ုပ်တို့အပေါ် အဘယ်ကဲ့သို့နှစ်သက်နိုင်ပါသနည်း။ အဖြေကတော့ ဘုရားသခင်သည် ကျွန်ုပ်ကို ခရစ်တော်၌မြင်ပြီး ချစ်ပါသည်။ လူတစ် ယောက်၌၀မ်းမြောက်ရန်အတွက် ထိုလူကို ချစ်ရပါမည်။ ဘုရားသခင်သည် ကျွန်ုပ်တို့ကိုချစ်ပါသည်။
            လူတစ်ယောက်ကိုချစ်သောအခါ ထိုလူ၏အပြစ်များကိုဂရုမပြုတော့ပါ။ ထို့ကြောင့်၊ ဘုရားသခင်သည် ယုံကြည် သူများ တစ်ဦးပေါ်တစ်ဦး ချစ်ခင်မှုအပေါ်တွင် ကြီးစွာသော အလေးပေးထားပါသည်။ ကျမ်းစာက ““အချုပ်အခြာစကား ဟူမူကား သင်တို့အပေါင်းသည် စိတ်တစ်ညီတညွတ်တည်းရှိကြလော့။ စိတ်ကြင်နာခြင်း၊ ညစ်အစ်ကိုချင်းကဲ့သို့ ချစ်ခြင်း၊ သနားစုံမက်ခြင်း၊ စိတ်နှိမ့်ချခြင်းရှိကြလော့။”” ဟုဆိုပါသည်။ ၁ပေ ၄း၈
            ဘုရားသခင်သည် သူ၏လူစုကိုချစ်သည်။ သူ၏လူအားလုံးကို ချစ်သည်။ ထိုကြောင့် ကျွန်ုပ်တို့ သေချာပေါက် ပါ ၀င်ပါသည်။ ဘုရားသခင်၏ချစ်ခြင်းမေတ္တာသည် ကျွန်ုပ်တို့၏များပြားသောအပြစ်များကို ဖုံးလွှမ်းသွားပါပြီ။ ကျွန်ုပ်တို့ အတွက် ဘုရားသခင်၏စိတ်နှလုံးထဲရှိ အဆုံးမရှိသောမေတ္တာသည် ကျွန်ုပ်တို့အတွက် သူအားလုံး လုပ်နေခြင်း၏အရင်းအ မြစ် ဖြစ်ပါသည်။ ကျွန်ုပ်တို့သည် ဘုရားသခင်၏ချစ်ခြင်းမေတ္တာကိုရှင်းပြ၍မတတ်၊ နားမလည်နိုင်သော်လည်း ကျမ်းစာ ကို ဖတ်ရှုခြင်းဖြင့် များစွာသော အရာများကိုသိရှိနိုင်ပါသည်။
ဘုရားသခင်၏ချစ်ခြင်းမေတ္တာသည် မြင့်မြတ်ပါသည်
            ဘုရားသခင်ကိုယ်တိုင်မြင့်မြတ်ပါသည်။ မည်သည့်နေရာ၊ မည်သည့် အချိန်၌မဆို ဘုရားသခင်သည် သူနှစ်သက်ရာကိုသူလုပ်ပါသည်။ ကမ္ဘာပေါ်ရှိ လူသန်းပေါင်းများစွာထဲမှ အဘယ်ကြောင့် သင့်ကိုချစ်၍ ကယ်တင်ခဲ့ ပါသနည်း ဟုမေးခဲ့သော်ဘုရားသခင်သည် ဤအမှု၌ပျော်မွေ့သောကြောင့် ဖြစ်ပါသည်။ ကျွန်ုပ်တို့သည် အခြားသူများထက် မကောင်းမြတ်သော်လည်း ဘုရားသခင် သည် ကျွန်ုပ်တို့ကိုရွေးပြီး သူ့ထံပါးသို့ခေါ်ဆောင်ခဲ့သည်။ ဘုရားသခင်၏ မြင့်မြတ်သောချစ်ခြင်းမေတ္တာကြောင့် ကျွုန်ုပ်တို့သည် သူ့အား ကိုးကွယ် ထိုက် ပါသည်။
ဘုရားသခင်၏ချစ်ခြင်းမေတ္တာသည် ထာဝရဖြစ်ပါသည်
            ဘုရားသခင်ကိုယ်တိုင် အစမရှိသကဲ့သို့ သူ၏ချစ်ခြင်းမေတ္တာသည်လည်း အစမရှိပါ။ ထာဝရဖြစ်သည်။ ဘုရား နှုတ်ကပတ်တော်က““ထာဝရဘုရားသည်အဝေးကထင်ရှား၍မိန့်တော်မူသည်ကား၊ အကယ်စင်စစ် ထာဝရမေတ္တာနှင့် သင့် ကို ငါချစ်၏။ ထိုကြောင့်၊ ဂရုဏာကျေးဇူးကိုသင်၌ကြာမြင့်စွာပြ၏။””ဟုဆိုပါသည်။ ယေရမိ ၃၁း၃
            ဤမြတ်နိုးဘွယ်အမှန်တရားကို ဧဖက် ၁း၎တွင်ဖော်ပြထားပါသည်။ ““ဤကမ္ဘာမတည်မရှိမှီ ငါတို့ကိုခရစ်တော်၌ ရွေးကောက်တော်မူသည်နှင့်အညီ၊ ကောင်းကင်ဘုံနှင့်ဆိုင်သောအရာတို့၌ ခပ်သိမ်းသောဓမ္မမင်္ဂလာတို့ကို ခရစ်တော်အား ဖြင့်ငါတို့အားပေးသနားတော်မူသော ငါတို့သခင်ယေရှုခရစ်၏ခမည်းတော်ဘုရားသခင်သည် မင်္ဂလာရှိတော်မူစေသ တည်း။””
            ကောင်းကင်နှင့်မြေကြီးမတည်မရှိမှီကပင် သန့်ရှင်းသောဘုရားသခင်သည် ကျွန်ုပ်တို့ကိုချစ်ခဲ့ကြောင်းသိရသည့် အတွက် ကျွန်ုပ်တို့သည် ကျေးဇူးတော်ခံစားရပါသည်။ ကျွန်ုပ်တို့မမွေးမှီအချိန်ကပင် ဘုရားသခင်သည်ကျွန်ုပ်တို့ကို ချစ် ခဲ့ပါသည်။ တရားဟော ဆရာကြီးချားလ်(စ်)စပါဂျင်က ဤကဲ့သို့ပြောခဲ့ပါသည်။ ““ဘုရားသခင်သည် ကျွန်ုပ်မမွေးမှီ အချိန် မှာ ကျွန်ုပ်ကိုရွေးခဲ့ရသည့်အကြောင်းကို သိပါသည်။ အဘယ်ကြောင့်ဆိုသော် ကျွန်ုပ်မွေးပြီးသောအချိန်၌ ဘုရားသခင် သည် ကျွန်ုပ်ကို မုချရွေးတော့မည်မဟုတ်ပါလား။””
ဘုရားသခင်၏ချစ်ခြင်းမေတ္တာသည် သူကိုယ်တိုင်နှင့်သာစပ်ဆိုင်သည်
            ဘုရားသခင်သည် လူသားကိုယေဘုယျအားဖြင့်သာ ချစ်ခြင်းမဟုတ်ပါ။ ကျွန်ုပ်တို့တစ်ဦးစီကို သိပြီး ချစ်ပါသည်။ ““သင်တို့ဆံပင်သည်လည်း အကုန်အစင်ရေတွက်လျက်ရှိ၏။”” လုကာ ၁၂း၇
            လူတို့သည် သူတို့၏အပြစ်များကြောင့် ဘုရားသခင်က ၄င်းတို့ကို မုန်းတီးသည်ဟု ထင်သောကြောင့် ဘုရား ထံမှ ထွက်ပြေးကြပါသည်။ ကျွန်ုပ်တို့၏အပြစ်များကို မထောက်ထားဘဲ ကျွန်ုပ်တို့တစ်ယောက်စီကို ဘုရားသခင် ချစ်ပါ သည်။ ခရစ်တော်ကိုကယ်တင်ရှင်အဖြစ် မလက်ခံသောသူသည် သေလွန်သွားသောအခါ ကယ်တင်ခြင်းမရဘဲ သေသွား ပါသည်။ သို့သော် ဘုရားသခင်သည် သူ့ကိုချစ်မြဲပင်ဖြစ်သည်။ ကလေးများသည် အမှား တစ်စုံတစ်ခုလုပ်သောအခါ၌ မိဘများက ၄င်းတို့ကို ဘုရားသခင် မချစ်ပါဟု မှားယွင်းစွာ ပြောတတ်ပါသည်။ ဤကဲ့သို့ပြောဆိုခြင်းအားဖြင့် ကလေးများကို ဘုရားသခင် အပေါ် အထင် အမြင်မှားစေပါသည်။ ကျွန်ုပ်တို့သည် မိမိ၏ကလေးကို အမှားလုပ်သောကြောင့် မမုန်းပါ။ သူဟာ မိမိ၏ကလေးဖြစ်သောကြောင့် သူ့ကိုချစ်ပါသည်။
            ယုံကြည်သူတိုင်းသည် ဘုရားသခင်အတွက် အထူးတန်ဖိုးရှိပါသည်။ ကျွန်ုပ်တို့ ရှိသည့် အခြေအနေအတိုင်း ဘုရားသခင်ချစ်ပါသည်။ သို့သော် ကျွန်ုပ်တို့ ရှိသည့် အခြေ အနေအတိုင်းကြောင့် ကျွန်ုပ်တို့ကိုစွန့်ခွာရမည့်အစား မစွန့်ခွာဘဲလျက် လွန်စွာ ချစ်ပါ သည်။ ဘုရားသခင်သည် ကျွန်ုပ်တို့ကိုသူ၏နည်းလမ်းများကို သွန်သင်မည်။ လိုသည့် အခါ ကျွန်ုပ်တို့ကိုဆုံးမပဲ့ပြင်မည်။ သို့သော် သူသည်ကျွန်ုပ်တို့ကို တစ်ချိန်လုံးချစ်၍ ခရစ်တော်၌လက်ခံပါသည်။
ဘုရားသခင်၏ချစ်ခြင်းမေတ္တာသည် အကန့်အသတ်မရှိ
            လူသားတို့သည် များသောအားဖြင့် တစ်ဦးအပေါ်တစ်ဦးထားသော မေတ္တာပေါ်၌အကန့်အသတ်ရှိပါသည်။ ““ငါ ပြောတာကိုလုပ်ရင် မင်းကိုချစ်မယ်”” ””ငါ့ကိုနှစ်သက်အောင်လုပ်တဲ့အထိ ငါမင်းကိုချစ်မယ်””စသည်တို့ဖြစ်ပါသည်။ ဘုရားသခင်သည် ကျွန်ုပ်တို့အပေါ်၌ စည်းမျဉ်း အကန့်အသတ် မထားပါ။ ကျွန်ုပ်တို့ မည်သူမည်ဝါ၊ မည်သည့် အလုပ် အကိုင်ကို လုပ်ခြင်းစသည်တို့ကို ထောက်၍ ဘုရားသခင်ကကျွန်ုပ်တို့ကို ချစ်သည်မဟုတ်ပါ။ ““ဘုရားသခင်သည် ချစ်ခြင်းမေတ္တာဖြစ်သည်””ဆိုသည့်အတိုင်း ဘုရားသခင်က ကျွန်ုပ်တို့ကိုချစ်ပါသည်။ သူ၏ချစ်ခြင်းမေတ္တာသည် အကြွင်း မရှိ၊ အကန့်အသတ်မရှိဖြစ်ပါသည်။
ဘုရားသခင် ချစ်ခြင်းမေတ္တာသည် ပြောင်းလဲခြင်းမရှိပါ
            ဘုရားသခင်သည် ပြောင်းလဲခြင်းမရှိပါ။ ““ငါသည်ထာဝရဘုရားဖြစ်၏။ ပြောင်းလဲခြင်းမရှိ”” မာလခိ ၃း၆
            ကျမ်းစာက““....ရွေ့လျားတိမ်းယိမ်းခြင်းမရှိ၊ ပြောင်းလဲခြင်းအရိပ်နှင့်ကင်းလွတ်တော်မူ၏””ဟု ဆိုပါသည်။ ယာကုပ် ၁း၁၇ ထိုကြောင့်ဘုရားသခင်၏ချစ်ခြင်းမေတ္တာသည် ပြောင်းလဲခြင်းမရှိ။ လူတို့၏ချစ်ခြင်းမှာမူ အားနည်း သွားနိုင် သည်။ သို့မဟုတ် လုံးဝမတည်တော့ဘဲ ပျက်ပြားသွားနိုင်သည်။ ယေရှုသည် သူ၏တပည့်တော်များကို မပြောင်းလဲသော ချစ်ခြင်းမေတ္တာဖြင့် ချစ်ပါသည်။ ယေရှုမသေမှီ နောက်ဆုံးညစာစားပွဲတွင် ပေတရုသည် သူ့အား သုံးကြိမ်တိုင်တိုင် ငြင်းဆိုမည့်အကြောင်း၊ အခြားလူများ သူ့ကိုစွန့်လွှတ်မည်အကြောင်းကို သိပါသည်။ သို့သော် ထိုလုပ်ရပ်များသည် သူ၏ ချစ်ခြင်းမေတ္တာ ကို မထိခိုက်၊ မပျက်ပြားစေပါ။
            ကျမ်းစာက““.....ဤလောကမှခမည်းတော်ထံသို့ ပြောင်းရသောအချိန်ရောက်သည်ကိုသိတော်မူသည်ဖြစ်၍၊ ဤ လောက၌ရှိသောမိမိလူတို့ကို ချစ်တော်မူသောကြောင့် အဆုံးတိုင်အောင်ချစ်တော်မူ၏””ဟုဆိုပါသည်။ ယော ၁၃း၃
ကျွန်ုပ်တို့၏အနေအထားအားဖြင့် ဘုရားသခင်၏ချစ်ခြင်းမေတ္တာကိုမသိနိုင်ပါ
            ကျွန်ုပ်တို့၏ပြင်ပအနေအထားအားဖြင့် ဘုရားသခင်၏မေတ္တာနှင့်ကျေးဇူးပြုခြင်းတို့ကို မသိနိုင်ပါ။ ကျွန်ုပ်တို့အ လွန် ဒုက္ခဆင်းရဲခြင်းကျရောက်ရန် ဘုရားသခင် ခွင့်ပြုနိုင်ပါသည်။ များစွာသော ဘုရားသခင်၏လူများသည် ဒုက္ခဆင်းရဲ ခြင်း အလွန်ရောက်ကြပါသည်။ သူတို့၏ပြင်ပအနေအထားကိုကြည့်ခြင်းအားဖြင့် ဘုရားသခင်သည် ၄င်းတို့ကိုချစ်သည့် ပုံ မပေါ်ပါ။ တမန်တော်ရှင်ပေါလုသည် ခရစ်ယာန်များထဲတွင် အသက်ရှင်ခဲ့သောအကြီးမြတ်ဆုံး ခရစ်ယာန်ဖြစ်ခဲ့ပါသည်။ သူ၏အသက်တာသည် သက်သာလွယ်ကူခဲ့ပါသလော။ မလွယ်ကူခဲ့ပါ။ ပေါလုပြောင်းလဲချိန်တွင် ဘုရားသခင်က““ အ ကြောင်းမူကား၊ ထိုသူသည် ငါ၏နာမကြောင့်အဘယ်မျှလောက်ပင် ဆင်းရဲခံရမည်ကို ငါသည်သူ့အားပြမည်။””ဟုမြွတ် ဆိုသည်။ တမန် ၉း၁၆
            ယေရှုအတွက် တမန်တော်ပေါလုသည် အလွန်ဒုက္ခဆင်းရဲခြင်းခံခဲ့ရပါသည်။ လောကတွင် အရေးကြီးသောအရာ အားလုံးကိုဆုံးရှုံးခဲ့သည်။ သို့သော်သူသည် ဘုရားသခင်၏မေတ္တာတော်ကိုသိတတ်သော ၀မ်းမြောက်ခြင်းဖြင့် အသက်ရှင် ခဲ့ပါသည်။ ပေါလုက ““ခရစ်တော်၏ချစ်ခြင်းမေတ္တာနှင့်ငါတို့ကို အဘယ်သူကွာစေမည်နည်း။ အကယ်စင်စစ်ကိုယ်တော်အ တွက် အကျွန်ုပ်တို့သည် အစဉ်မပြတ်အသေသတ်ခြင်းကိုခံရကြပါ၏။ သတ်ဖို့ရာထားသောသိုးကဲ့သို့ အကျွန်ုပ်တို့ကို သူ တစ်ပါး မှတ်တတ်ကြပါ၏ဟုကျမ်းစာလာသည်နှင့်အညီ၊ ဆင်းရဲငြိုငြင်ခြင်း၊ ညှင်းဆဲနှိပ်စက်ခြင်း၊ ဘေးနှင့်တွေ့ကြုံခြင်း၊ ကွပ်မျက်ခြင်းကိုခံရသော်လည်း၊ ထိုအမှုတို့တွင် အဘယ်အမှုသည် ခရစ်တော်၏ချစ်ခြင်းမေတ္တာတော်နှင့်ငါတို့ကို ကွာစေ မည်နည်း။ မကွာစေသည်သာမက၊ ငါတို့ကိုချစ်တော်မူသောသူ၏ကျေးဇူးတော်ကြောင့်၊ ငါတို့သည် ထိုအမှုခပ်သိမ်းတို့ကို ခံစဉ်တွင်ပင် အထူးသဖြင့် အောင်မြင်ကြ၏။ အကြောင်းမူကား၊ သေခြင်းဖြစ်စေ၊ သက်ရှင်ခြင်းဖြစ်စေ၊ ကောင်းကင်တမန် ဖြစ်စေ၊ အထွဋ်အမြတ်ဖြစ်စေ၊ အာဏာတန်ခိုးဖြစ်စေ၊ မျက်မှောက်အရာဖြစ်စေ၊ နောင်လာလတံ့သောအရာဖြစ်စေ၊ အမြင့် ဖြစ်စေ၊ အနိမ့်ဖြစ်စေ၊ ဤနေရာမှစ၍ အဘယ်နိမ်္မိတအရာမျှသည်၊ ငါတို့သခင်ယေရှုခရစ်အားဖြင့် ခံရသောဘုရားသ ခင် ၏ မေတ္တာတော်နှင့်ငါတို့ကိုမကွာစေနိုင်ဟုငါသည် သဘောကျလျက်ရှိ၏””ဟုဆိုခဲ့ပါသည်။ ရော ၈း၃၅-၃၉
လက်ဝါးကပ်တိုင်ပေါ်တွင် အသေခံခဲ့သည် ခရစ်တော်အားဖြင့် ဘုရားသခင်၏မေတ္တာတော်ကိုငါတို့သိရပါသည်
            စာတန်၏အဓိကလုပ်ဆောင်ချက်တစ်ခုမှာ၊ လူတို့၏နှလုံးသားထဲ၌ပုန်ကန်မှု၊ ယုံကြည်မှုကင်းမဲ့ခြင်းတို့ကို ပြုလုပ် ခြင်း ဖြစ်ပါသည်။ ယေရှုခရစ်တော်၌ဘုရားသခင်သည် ကိုယ်ကိုကိုယ် ဖော်ပြခြင်းဖြင့် သူအားလူသားများသိ၍ချစ် မြတ်နိုး စေရန်ဖြစ်သည်။ ဘုရားသခင်၏သားတော်သည် လက်ဝါးကပ်တိုင်ပေါ် တွင် အသေခံရခြင်းမှာ ကျွန်ုပ်တို့အပေါ် ထားရှိသော ဘုရားသခင်၏ မြင့်မြတ်သော ထာဝရအထောက်အထားဖြစ်ပါသည်။ ကျမ်းစာက ““ငါတို့သည် အကျိုးနည်းရှိ စဉ်တွင် အချိန်တန်မှ ခရစ်တော်သည် မတရားသောသူတို့အတွက်ကြောင့် အသေခံတော်မူ၏။ ဖြောင့်မတ် သော သူအတွက် ကြောင့်အသေခံမည့်သူ ရှိခဲ၏။ သူတော်ကောင်း အတွက်ကြောင့် အသေခံဝံ့သောသူ ရှိကောင်းရှိလိမ့်မည်မှန်စေတော့။ ငါတို့သည် အပြစ်ရှိစဉ်ပင်၊ ခရစ်တော်သည် ငါတို့အတွက်ကြောင့် အသေခံ တော်မူသည်ဖြစ်၍၊ ဘုရားသခင်သည် ငါတို့ကိုအ ဘယ်မျှလောက် ချစ်တော်မသည်ကို ငါတို့အား ထင်ရှားစွာ ပြတော် မူ၏”” ဟုဆိုပါသည်။ ရော ၅း၆-၈
            ကျွန်ုပ်တို့သည် ဘုရားသခင်၏ ချစ်ခြင်းမေတ္တာကို သံသယ ဖြစ်ခဲ့သော်၊ လက်ဝါးကပ်တိုင်ပေါ်တွင် ကျွန်ုပ်တို့အတွက် အသေခံ ခဲ့သော ယေရှုခရစ်တော်ကိုသာ တဖန်ပြန်ကြည့်ဖို့ သင့်ပါသည်။ ကျွန်ုပ်တို့ကို အဖခမည်းတော်တင်မကဘဲ သားတော်ကပါချစ်ပါသည်။ ကျွန်ုပ်တို့အတွက် ယေရှုသည်ကားတိုင်တက်ဖို့ရွေးခဲ့ပါသည်။ ကျွန်ုပ် တို့ကို သူချစ်သောကြောင့်ဖြစ်ပါသည်။ ယေရှုက ““ကိုယ်အဆွေတို့ အဖို့အလိုငှါ ကိုယ်အသက်ကို စွန့်ခြင်းမေတ်္တာထက်သာ၍ မြတ်သော မေတ္တာသည် အဘယ်သူ၌ မျှမရှိ””ဟု မြွက်ဆို ခဲ့ပါ သည်။ ယော ၁၅း၁၃
            ““ကျွန်ုပ်ကိုမည်သူမျှမချစ်ဘူးလား””ဟုစုံစမ်းခြင်းခံ၍ပြောလျှင်၊ ယေရှု၏““ငါချစ်ပါသည်””ဟူသော စကားကို သတိ ရပါ။ သူ၏ ချစ်ခြင်းမေတ္တာကိုသံသယမရှိအောင်သက်သေပြခဲ့ပါသည်။

ကျွန်ုပ်တို့၌ကိန်းဝပ်နေသော သန့်ရှင်းသောဝိညာဉ်တော်အားဖြင့် ကျွန်ုပ်တို့သည် ဘုရားသခင်၏ချစ်ခြင်းမေတ္တာ ကို သိရပါသည်
            ဘုရားသခင်သည် သူ၏ချစ်ခြင်းမေတ္တာကို ကျွန်ုပ်တို့အား အလွန် ခံစား စေချင်သောကြောင့် ကျွန်ုပ်တို့အား သန့်ရှင်းသောဝိညာဉ်တော်ကိုပေးခဲ့ပါသည်။ သန့်ရှင်းသောဝိညာဉ်တော်၏ဆောင်ရွက်မှုများအနက် တစ်ခုမှာ ကျွန်ုပ်တို့အား ဘုရားသခင်၏ချစ်ခြင်းမေတ္တာကို သိမြင်ဖို့ဖြစ်ပါသည်။ သန့်ရှင်းသော ၀ိညာဉ် တော်သည် ကျွန်ုပ်တို့၏နှလုံးသားအတွင်း သို့ ဘုရားသခင်၏ ချစ်ခြင်းမေတ္တာ ကို သွန်းလောင်းပါသည်။ ကျမ်းစာက““.....ငါတို့အားပေးတော်မူသောသန့်ရှင်းသော ၀ိညာဉ်တော်သည် ဘုရားသခင်၏မေတ္တာတော်ကို ငါတို့စိတ်နှလုံးထဲသို့ သွန်း လောင်းတော်မူ၏။””ဟုဆိုပါသည်။ ရော ၅း၅ ဘုရားသခင်သည် ကျွန်ုပ်တို့ကိုချစ်ကြောင်းကြီးမားသော သက်သေ နှစ်ခု ရှိပါသည်။
            လက်ဝါးကပ်တိုင်ပေါ်တွင် ခရစ်တော် အသေခံခြင်းသည်““ပြင်ပ””သက်သေဖြစ်ပြီး ကျွန်ုပ်တို့၌ကိန်းအောင်းနေ သော သန့်ရှင်းသောဝိညာဉ်တော်မှာ ““အတွင်း””သက်သေဖြစ်ပါသည်။ အံ့သြဖွယ်အမှန်တရားတည်းဟူသော ဘုရား သခင်၏ချစ်ခြင်းမေတ္တာကိုသိခြင်းကို ကျွန်ုပ်တို့သည် ယုံကြည်သူများအနေဖြင့် မြတ်နိုးပါသည်။ ကျွန်ုပ်တို့သည် နည်းလမ်း နှစ်ခု ဖြင့်သိရပါသည်။ ဘုရားသားတော်အသေခံခြင်းဖြင့်၎င်း၊ ဘုရားသခင်၏မေတ္တာအားဖြင့် ကျွန်ုပ်တို့၏နှလုံးသား ထဲသို့ သွန်းလောင်းသော သန့်ရှင်းသောဝိညာဉ်တော်အားဖြင့် ၄င်းဖြစ်ပါသည်။
ဘုရားသခင်သည် ကျွန်ုပ်တို့အား ကြောက်ရွံ့ခြင်းအချီအနှောင်မှ လွှတ်မြောက်စေချင်သည်
            ကယ်တင်ခြင်းရသည်ဖြစ်စေ၊ မရသည်ဖြစ်စေ၊ ဘုရားသခင်သည်လူသားအားလုံးကိုချစ်ပါသည်။ သို့သော်သူ၏ သန့်ရှင်းသူများ၌အထူးပျော်မွေ့ပါသည်။ ယုံကြည်သူအားလုံးတို့သည် ယေရှုခရစ်တော်၌ဘုရားသခင်၏မေတ္တာစေတနာ ကို ခံစားရသောအထူးလူများ ဖြစ်ကြပါသည်။ သို့သော် များစွာသောဘုရားသားသမီးတို့သည် ချုပ်နှောင်ခြင်းကိုခံရပါ သည်။ ၄င်းတို့ထင်နေသည်မှာ ဘုရားမေတ္တာနှင့်ထိုက်တန်သော တစုံတစ်ခုသော စံနှုန်းကို၊ မှီရန်လုပ်ဆောင်နေထိုင်ရမည်။ သူတို့ထင်နေသည်မှာ ““ငါဟာ ရှုံးနိမ့်သူ တစ်ဦးပါ၊ ငါ့လိုလူမျိုးကိုဘုရားသခင်ဘယ်လိုချစ်နိုင်မှာလဲ””
            ဤကဲ့သို့အတွေးအခေါ်များသည် ကျွန်ုပ်တို့၏ရန်သူဖြစ်သူ၊ စာတန်ထံမှ လာခြင်း ဖြစ်ပါသည်။ ဘုရားသခင်သည် ကျွန်ုပ်တို့ကို သူ၌သာ မွေ့လျော်စေချင်ပြီး စာတန်ကမူ ကျွန်ုပ်တို့ကို၊ ကိုယ်အတွက်သာ ပျော်မွေ့စေချင်ပါသည်။ စာတန်က ကျွန်ုပ်တို့ကို ဤသို့ပြောပါလိမ့်မည်။““မင်းကိုယ်ကို ပြန်ကြည့်စမ်း၊ အဆင့်အတန်း မမှီဘူး၊ မင်းဟာဘုရားသား ဖြစ်ရမဲ့အစား၊ ရှုံးနှိမ့်သူဖြစ်နေတယ်။ မင်းဟာ ဖြောင့်မှန်စွာ နေထိုင်လုပ်ကိုင်မယ်ဆိုရင် ဘုရားက မင်းကိုချစ်မယ်၊ ဒါပေမဲ့ ယခု မင်းဟာ ဘုရားအတွက် စိတ်ပျက်စရာဖြစ်နေတယ်။ ဘုရားသခင် မင်းကို မချစ် နိုင်ပါဘူး””
            ကျွန်ုပ်တို့သည် စာတန်၏လိမ်လည်မှုကိုလက်ခံပါက ချုပ်နှောင်ခြင်း၌သာ နေရပါမည်။ ကျွန်ုပ်တို့ကိုဘယ်အရာ ကလွှတ်မြောက်စေပါသလဲ၊ ဘုရားသခင်၏သမ္မာတရားကလွှတ်မြောက်စေပါသည်။ ယေရှုက““သမ္မာတရားကိုလည်း သိ ကြသဖြင့်၊ ထိုတရားသည် သင်တို့ကိုလွှတ်လိမ့်မည်.....””ဟုမြွက်ဆိုခဲ့ပါသည်။ ယော ၈း၃၂
            ကျွန်ုပ်ကိုဘုရားသခင်ချစ်သည်ဆိုသည့်သမ္မာတရားသည် ကျွန်ုပ် မည်သူမည်ဝါဖြစ်ကြောင်း၊ ကျွန်ုပ်၏မည်သည့် လုပ်ဆောင်မှုများကြောင့် မဟုတ်ဘဲ သူသည် မေတ္တာတော်ရှင်ဖြစ်သောကြောင့် ပေတည်း။ ဘုရားသခင်၏ မေတ္တာကို ရှင်းပြ၍ မရပါ။ သူ၏မြင့်မြတ်သောစိုးစံခြင်း၌ သူ၏မေတ္တာတော်ကို ကျွန်ုပ်တို့ထံ ချပေးခြင်းအားဖြင့် သူသည် နှစ်သက် ပျော်မွေ့ပါသည်။ သူ၏ချစ်ခြင်းမေတ္တာကို ကျွန်ုပ်တို့ ရှင်းပြရန်နှင့်နားလည်ရန် မတတ်နိုင်သော်လည်း၊ ကျွန်ုပ်တို့သည် ယုံကြည်ခံစား နိုင်ပါသည်။
            ကျွနု်ပ် မည်သူမည်ဝါနှင့်ကျွန်ုပ်တို့၏လုပ်ဆောင်ချက်များကြောင့် ကျွန်ုပ်တို့အပေါ် ဘုရားသခင်၏ချစ်ခြင်းမေတ္တာ ကိုပြောင်းလဲနိုင်သည်ဟုထင်ပါက ကျွန်ုပ်သည်ချုပ်နှောင်ခြင်းသဘောနှင့်ပြည့်နေပါသည်။ တကယ်တော့၊ ကျွန်ုပ်အဆိုးဝါး ဆုံး အခြေအနေ၌ရှိစဉ်ပင် ဘုရားသခင် ကျွန်ုပ်ကို ချစ်ခဲ့ပါသည်။ ကျွုန်ုပ်သည် အင်းအားမဲ့၊ ဘုရားမဲ့အပြစ်သား၊ ဘုရား ရန် သူ ဖြစ်လျက် ဘုရားသခင်သည် သူ၏အကန့်အသတ်မရှိသောချစ်ခြင်းမေတ္တာကို အံ့သြဖွယ်အကောင်းဆုံးနည်းဖြင့် သက် သေပြခဲ့ပါသည်။ ယခု၊ ဘုရားသားဖြစ်ပြီး ကျွန်ုပ်သည် အရှုံးသမားဖြစ်သောကြောင့် ဘုရားက ကျွန်ုပ်အား မချစ်တော့ဘဲ နေမည်လော၊ လုံးဝမဖြစ်နိုင်ပါ။ ဘုရားနှုတ်ကပတ်တော်က““အကြောင်းမူကား၊ ရန်သူဖြစ်လျက်ပင် ဘုရားသခင်၏ သား တော် အသေခံတော်မူခြင်းအားဖြင့်၊ ငါတို့သည် ဘုရားသခင်နှင့် မိဿဟာယဖွဲ့ခြင်း ကျေးဇူးတော်ကို ခံရသည် မှန်လျှင်၊ မိဿဟာယဖွဲ့ပြီးမှ၊ အသက်တော်အားဖြင့်ကယ်တင်တော်မူခြင်းသို့ ရောက်မည်ဟု သာ၍မြော်လင့်စရာရှိ၏””ရော ၅း၁၀
            ဘုရားသခင်သည် ခရစ်တော်ကိုချစ်သည်နည်းတူ ကျွန်ုပ်တို့ကိုချစ်ပါသည်။ ခရစ်တော်ကမ္ဘာပေါ်တွင်ရှိစဉ်နှင့် ယ ခု ကောင်းကင်ပေါ်ပြန်တက်သည့်အချိန်တွင် ဘုရားသခင်၏မေတ္တာတော်သည် သူ့အပေါ်၌တည်ရှိနေပါသည်။ ထို့ကြောင့် ခရစ်တော်၌ရှိသော ကျွန်ုပ်တို့အပေါ်၌လည်း ဘုရားသခင်၏မေတ္တာတော်တည်ရှိနေပါသည်။ ကျမ်းစာက““ထိုသို့ငါတို့ သည် ချစ်ခြင်းမေတ္တာနှင့်ပြည့်စုံသောအားဖြင့်၊ တရားဆုံးဖြတ်တော်မူသောနေ့၌ရဲရင့်ရသော အခွင့်ရှိကြလိမ့်မည်။ အကြောင်းမူကား၊ ငါတို့သည် ကိုယ်တော်၏နည်းတူ ဤလောက၌ဖြစ်ကြ၏”” ၁ယော ၄း၁၇
            စာတန်သည်ကျွန်ုပ်တို့ကို လိမ်လည်ပြီး အပြစ်တင်ပါက ကျွန်ုပ်တို့ သည် သူနှင့်စကားအချေအတင် ပြောစရာ မလိုပါ။““ ကျွန်ုပ် မကြာခဏ မှားပါ သည်။ သို့သော် ကျွန်ုပ်သည်ခရစ်တော်၌ရှိသောကြောင့် သူသည် ကျွန်ုပ်ကို လက်ခံ၍ ချစ်ပါ သည်”” ဟုသာရိုးရိုးလေးပြောရပါမည်။

ဘုရားသခင်၌မည်ကဲ့သို့ ၀မ်းမြောက်မည်နည်း
ဘုရားသခင်၌၀မ်းမြောက်ရန် အထူးလိုအပ်ချက်နှစ်ခုရှိပါသည်။
၁။ ကျွန်ုပ်တို့ကို ဘုရားသခင်ချစ်သည်ကို ယုံကြည်ပြီးသိရမည်။
၂။ ဘုရားသခင်ကို ကျွန်ုပ်တို့ချစ်ရမည်။
၁။ကျွန်ုပ်တို့ကို ဘုရားသခင်ချစ်သည်ကိုယုံကြည်ပြီးသိရမည်။
            ကမ္ဘာမြေကြီးသည် ကျွန်ုပ်တို့အိမ် မဟုတ်ပါ။ ကျွန်ုပ်တို့နှင့်မဆိုင်ပါ။ ဤနေရာ၌ကျွန်ုပ်တို့အတွက် မသင့်တော်ပါ။ ကျွနု်ပ်တို့သည် ကောင်းကင်ဘုံသို့ မရောက်သေးသည့်အတွက် လောလောဆယ် အဘယ်နေရာမှာ နေရပါမည်နည်း။ ကျွန်ုပ်တို့သည် ဘုရားသခင်၏မေတ္တာတော်၌၀မ်းမြောက်စွာ ခံစား၍နေရပါမည်။ ကျမ်းစာက““ဘုရားသခင်သည် ငါတို့ကို  ချစ်တော်မူခြင်းမေတ္တာတော်ကို ငါတို့သည် သိ၍ယုံကြည်ကြ၏။ ဘုရားသခင်သည် ချစ်ခြင်းမေတ္တာဖြစ်တော်မူ၏။ ချစ်ခြင်း မေတ္တာ၌တည်သောသူသည် ဘုရားသခင်၌တည်၏။ ဘုရားသခင်သည်လည်း ထိုသူ၌တည်တော်မူ၏””၁ယော ၄း၁၆
            ခရစ်တော်အားဖြင့် ဘုရားသခင်သည် သူ၏ချစ်ခြင်းမေတ္တာကို ကျွန်ုပ်တို့အားသိစေပါသည်။ ထိုချစ်ခြင်းမေတ္တာ သည် ကျွန်ုပ်တို့၏ဆင်းရဲနာကျင်ကိုက်ခဲသော နှလုံးသားများအတွက်““အိမ်””ဖြစ်ပါသည်။
            ဘုရားသခင်၏ချစ်ခြင်းမေတ္တာသည် သူ၏သားတော်ပေါ်တွင် ဗဟိုပြုပါသည်။ ဘုရားသခင်၏ချစ်ခြင်းမေတ္တာကို ခံစားနိုင်ရန်အတွက် သူသည် ကျွန်ုပ်တို့ကို ခရစ်တော်၌ ထားပါသည်။ ခရစ်တော်သည် ခမည်းတော်၏ချစ်ခြင်းမေတ္တာ၌ ထာဝစဉ် နေပါသည်။ ကျွန်ုပ်တို့သည် ခရစ်တော်၌တည်ပြီး သူနှင့်တကိုယ်တည်းထဲ၌ရှိနေသောကြောင့် ကျွန်ုပ်တို့သည် လည်း ဘုရားသခင်၏ချစ်ခြင်းမေတ္တာ အတွင်း၌ နေပိုင်ခွင့်ရှိပါသည်။ ကျမ်းစာက““ချစ်သူတို့၊ သင်တို့သည် မိမိတို့ အလွန် သန့်ရှင်းသော ယုံကြည်ခြင်းအပေါ်မှာ မိမိတို့ကိုတည်ဆောက်လျက်၊ သန့်ရှင်းသောဝိညာဉ်တော်အားဖြင့် ဆုတောင်း ပဌနာပြုလျက်၊ ဘုရားသခင်ကိုချစ်ခြင်းမေတ္တာ၌ကိုယ်ကိုကိုယ် စောင့်ရှောက်၍၊ ထာဝရအသက်အလိုငှါ၊ ငါတို့ သခင် ယေရှုခရစ်၏ဂရုဏာတော်ကို မြော်လင့်၍နေကြလော့””ဟုဆိုပါသည်။ ယုဒ ၂၀း၂၁
            ““ဘုရားသခင်၏မေတ္တာ၌ ကိုယ်ကိုကိုယ် စောင့်ရှောက်””ဟူသော စာပိုဒ်၏အဓိပ္ပါယ်မှာ ကျွန်ုပ်တို့သည် ဘုရား သခင်၏မေတ္တာတော်၌ပျော်မွေ့စွာခံစား၍ နေရမည်ကို ဆိုလိုပါသည်။
            ကျွန်ုပ်တို့သည် ကိုယ်ကိုကိုယ် ဘုရားသခင်၏ချစ်ခြင်းမေတ္တာမှဘယ်သောအခါမှ မထွက်နိုင်သောလည်း ဘုရား သခင်၏ချစ်ခြင်းမေတ္တာကိုခံစားနိုင်ခွင့်မှထွက်နိုင်ပါသည်။ မိုက်သောသားသည် ဖခင်၏အိမ်မှထွက်သွားသောအခါ၊ ဖခင်၏ ချစ်ခြင်းမေတ္တာမှထွက်သွားရပါသလား၊ မထွက်သွားရပါ။ ဖခင်ဖြစ်သူသည် သား၏အပြုအမူများကိုမထောက်ထားဘဲ ၄င်းကို ဆက်လက်၍ချစ်ပါသည်။
            ဘုရားသခင်သည် သူနှင့်ခရစ်တော်၏ကျွန်ုပ်တို့အပေါ် ချစ်ခြင်းမေတ္တာကို ကျွန်ုပ်တို့အား သိမြင်ခံစားစေချင်ပါ သည်။ ယေရှုက““ခမည်းတော်သည် ငါ့ကိုချစ်တော်မူသကဲ့သို့ ငါသည်သင်တို့ကိုချစ်၏။ ငါ၏ချစ်ခြင်းမေတ္တာ၌တည်နေ ကြလော့””ဟုမြွက်ဆိုခဲ့ပါသည်။ ယော ၁၅း၉
            ကျွန်ုပ်တို့သည် ဆက်လက်၍ ခရစ်တော်၏ချစ်ခြင်းမေတ္တာ၌ မည်ကဲ့သို့ ခံစား၍နေထိုင်နိုင်ပါမည်နည်း။ နောက် တစ်ပိုဒ်တွင် ပြောထားပါသည်။ သူ၏ပညတ်တော်တို့ကိုစောင့်ရှောက်ပြီး၊ သူ၏နှုတ်ကပတ်တော်ကိုလိုက်နာရပါမည်။ ယေရှုက““ငါသည် ငါ့ခမည်းတော်၏ပညတ်တို့ကိုစောင့်ရှောက်၍ ခမည်းတော်၏မေတ္တာ၌တည်နေသကဲ့သို့၊ သင်တို့သည် ငါ့ပညတ်တို့ကို စောင့်ရှောက်လျှင်၊ ငါ့မေတ္တာ၌တည်နေကြလိမ့်မည်””ဟုဆိုခဲ့ပါသည်။ ယော ၁၅း၁၀
            ခရစ်တော်၏ပညတ်တော်တို့ကို စောင့်ရှောက်၍၊ သူ၏မေတ္တာ၌တည်လျှင် သူ၏၀မ်းမြောက်ခြင်းကို ကျွန်ုပ်တို့ရ ပြီး ထိုဝမ်းမြောက်စရာအကြောင်း တည်စေခြင်းငှါ၎င်း၊ သင်တို့ဝမ်းမြောက်စရာအကြောင်းစုံလင်စေခြင်းငှါ၎င်း၊ ဤစကား ကို သင်တို့အား ငါဟောပြော၏”” ယော ၁၅း၁၁
၂။ဘုရားသခင်ကိုကျွန်ုပ်တို့ချစ်ရမည်။
            လူတစ်ယောက်၌၀မ်းမြောက်ရန်နည်းလမ်းမှာ ထိုလူကိုချစ်ဖို့ပင်ဖြစ်ပါသည်။ ဤအချက်သည် လူသားနှင့်၎င်း၊ ဘုရားသခင်နှင့်၎င်း မှန်ကန်ပါသည်။ ဘုရားသခင်၌၀မ်းမြောက်ရန် နည်းလမ်းမှာ ဘုရားကိုချစ်ဖို့ပင်ဖြစ်ပါသည်။ ဘုရားသ ခင်သည် ကျွန်ုပ်တို့အား ထာဝရကာလကတည်ကပင် ချစ်ခဲ့ပါသည်။ သူ့အားချစ်၍ ယုံကြည်ရန် ကျွန်ုပ်တို့အား သူ့ထံသို့ခေါ်    ဆောင်လာခဲ့ပါသည်။ ဘုရားသခင်ကိုကျွန်ုပ်တို့ချစ်ခင်ခြင်းသည် ကျွန်ုပ်တို့ကို သူက ရှေးဦးစွာ ချစ်ခဲ့ခြင်း ကိုပြန်၍ တုန့်ပြန်ခြင်းဖြစ်ပါသည်။ ကျမ်းစာက ““ဘုရား သခင်သည် ငါတို့ကို ရှေးဦးစွာ ချစ်တော်မူသော ကြောင့်၊ ငါတို့သည်ဘုရားသခင် ကိုချစ်ကြ၏”” ၁ယော ၄း၁၉
            ဘုရားသခင်သည် ကျွန်ုပ်တို့ကို မည်မျှ ချစ်ပြီး ရွေးနှုတ်ခဲ့ရသော အဖိုးအခ အကြောင်းကို စဉ်းစားသော အခါ၊ ကျွန်ုပ်တို့၏မေတ္တာအပြည့်အ၀ကို သူရရှိ ထိုက် သည်မှာ အမှန်ပင်ဖြစ်ပါသည်။ ဘုရားက ““သူသည် ငါ့ကို ချစ်သောကြောင့်၊ သူ့ကိုငါ ကယ်နှုတ်မည်။ ငါ၏နာမကို သိသောကြောင့်၊ သူ့ကိုငါချီးမြောက်မည်။ သူသည် ငါ့ကို ခေါ်သောအခါ ငါထူးမည်။ ဒုက္ခခံရ သောအခါ သူ့ဘက် မှာ ငါနေ၍ ချမ်းသာပေးမည်။ သူ၏ဘုန်းကိုလည်း ထင်ရှား စေမည်။ ရှည်သောအသက်နှင့်သူ့ကို ရောင့်ရဲစေ၍၊ ငါ၏ကယ်တင်ခြင်းကျေးဇူးကို သူ့အားပြမည်””ဟုမြွက်ဆိုခဲ့ပါသည်။ ဆာလံ ၉၁း၁၄-၁၆
            ကျွန်ုပ်တို့သည် ဘုရားသခင်ကို ချစ်၍ သူနှင့်အချိန်ယူလျှင်၊ သူသည်ကျွန်ုပ်တို့အား ခရစ်တော်၏အံ့ဘွယ်များနှင့် ကျွန်ုပ်အတွက် သူ၏အံ့ဘွယ်ကြံရွယ်ချက်များကို ဖော်ပြပါလိမ့်မည်။ ဘုရားသခင်သည် သူ့အား ကျွန်ုပ်တို့ ချစ်ခင်ရန် အတွက် သူ၏မေတ္တာ၊ ကောင်းမှုနှင့်ကျေးဇူးတော်တို့ဖြင့် ဖြည့်စည်းပြီး ကျေနပ်စေပါသည်။ ဘုရားသခင်၏ သူတော်စင် တစ်ဦးက ““ကျွန်ုပ်တို့သည် ဘုရားသခင်ကို ခွန်အားရှိသ၍ စိတ်နှလုံးအကြွင်းမဲ့ ချစ်ပါက၊ ကျွန်ုပ်တို့သည် ကောင်းကင် ပေါ် တွင် ၀မ်းမြောက် သကဲ့သို့ယခုလည်း ၀မ်းမြောက်ပါမည်။””ဟုဆိုခဲ့ပါသည်။
            ဤသည်မှာ ဘုရားသခင်ကို အလွန်ချစ်သောသူများအတွက်ဖြစ်ပါသည်။ ကျွန်ုပ်တို့သည် ဘုရားသခင်ကိုချစ် မြတ်နိုးမှသာ ၀ိညာဉ်ကောင်းကြီးများခံစားရပါလိမ့်မည်။ ကျွန်ုပ်တို့သည် ဘုရားသခင်ကိုချစ်မြတ်နိုးခြင်းကို ထုံထိုင်းသွား စေမည့် သြဇာသက်ရောက်မှုများကို အစဉ်သတိထားရမည်။ ဘုရားသခင်နှုတ်ကပတ်တော်ကိုသတိရပါ။ ““ဘုရားသခင်ကို ချစ်ခြင်းမေတ္တာ၌ကိုယ်ကိုကိုယ် စောင့်ရှောက်၍........”” ယုဒ ၂၁
            ချစ်မိတ်ဆွေ၊ ဘုရားသခင်၏ချစ်ခြင်းမေတ္တာကို သင်သိ၍ယုံကြည်ပြီလော၊ သင်သည် ဘုရားသခင်၏ချစ်ခြင်း မေတ္တာကို သိမြင်ခံစားလျက် အသက်ရှင်နေပါလား။ ဘုရားသခင်၏မေတ္တာကိုသင်၏““အိမ်””သဖွယ် ထားပြီလား၊ ဘုရား သခင်သည် သင့်နှလုံးသား၏လွန်ကဲသော မေတ္တာ ဖြစ်ပြီလား။

အကျဉ်းချုပ်
            ဘုရားသခင်သည် ကျွန်ုပ်တို့ကို သူ၏နှလုံးသားပေးရခြင်းအကြောင်းမှာ ကျွန်ုပ်တို့၏နှလုံးသားတို့ကို သူအတွက် ရရန် ဖြစ်ပါသည်။



ပြန်လည်စဉ်းစားခြင်း
ကျွန်ုပ်တို့ဝမ်းမြောက်ခြင်း၏လျှို့ဝှက်ချက်
            ကျွန်ုပ်တို့အား ဘုရားသခင်သည် သူနှင့်သူ၏ကြီးမားသောကယ်တင်ခြင်းကို ခံစားစေချင်ပါသည်။ ကျွန်ုပ်တို့၌ သန့်ရှင်းသောဝိညာဉ်တော်တန်ခိုးအားဖြင့် ၀မ်းမြောက်ခြင်း၊ ငြိမ်းချမ်းခြင်းနှင့်ကြွယ်ဝသော မြော်လင့်ခြင်းတို့ဖြင့်ပြည့်ဝ စေရန်မှာ ဘုရားသခင်၏အလိုတော်ဖြစ်ပါသည်။ ကျမ်းစာက““သင်တို့သည် သန့်ရှင်းသောဝိညာဉ်တော်၏တန်ခိုးအားဖြင့် မြော်လင့်ခြင်းပါရမီနှင့်ကြွယ်ဝစေခြင်းငှါ၊ ယုံကြည်သောစိတ်ရှိ၍ ၀မ်းမြောက်သက်သာခြင်း အမျိုးမျိုးတို့နှင့်ပြည့်စုံမည် အကြောင်း၊ မြောင်လင့်ခြင်း၏အရှင်၊ ဘုရားသခင်သည် ကယ်မ သနားတော်မူပါစေသော””ဟုဆိုပါသည်။
            ကျွန်ုပ်တို့သည် မည်သည့်နေရာမှကယ်တင်ခံရပါသနည်း ဆိုသည့်အကြောင်းကိုစဉ်းစားလျှင်၊ ကျွန်ုပ်တို့သည် စိတ်ငြိမ်းချမ်း သက်သာ ပါမည်။ သို့သော် ဘာအတွက် ကယ်တင် ခံရပါသနည်း ဟု စဉ်းစားသော်၊ ကျွန်ုပ်တို့သည် ယုံကြည်သူများဖြစ်သည့် အတွက်၊ အလုံးစုံသောဝမ်းမြောက်ခြင်း၊ ငြိမ်သက်ခြင်းနှင့် ပြည့်ဝပါ လိမ့်မည်။ ကျွန်ုပ်တို့၏ယုံကြည်ခြင်းမှာ ယေရှုခရစ်တော်သည် ဘုရားသခင်၏လက်ျာလက်ဖက်သို့ ချီးမြောက်ခြင်းခံရပြီး၊ သူသည် ကျွန်ုပ်တို့ကို သူနှင့်ထာဝရရှိ ရန်မကြာခင်ပြန်လာ၍ ခေါ်ယူမည် ဖြစ်ပါသည်။
            ကျွန်ုပ်တို့သည် ဤကမ္ဘာပေါ်တွင် တိုးတက်လာမည့် အရာများကိုမကြည့်ပါဘဲ ကောင်းကင်မှလာမည့်မင်္ဂလာရှိသော အရာများကိုသာ ကြည့်ပါသည်။ ဓမ္မဟောင်းခေတ် သူတော်စင် များသည် ဘုရားသခင်၏ဂတိတော်များပေါ်၌ နေထိုင်ခဲ့ပါသည်။  သို့သော် ကျွန်ုပ်တို့သည် ကောင်းကင် ပလ္လင်ပေါ်ရှိ ခရစ်တော်ကိုကြည့်၍ သူ၌တည်နေသော ဘုရားသခင်၏ဂတိတော်များ၌ ၀မ်းမြောက်နိုင်ပါသည်။
            ကျမ်းစာက““ထိုသခင်မှာ ဘုရားသခင်၏ဂတိတော်ရှိသမျှတို့သည် ငါတို့အားဖြင့်ဘုန်းအသရေတော်ကိုထင်ရှား စေခြင်းအလိုငှါ၊ ဟုတ်မှန်၏ဟူ၍၄င်း၊ အာမင်ဟူ၍၄င်းဖြစ်သတည်း””။ ၀မ်းမြောက်ရန် ဘယ်ကိုမျှော်ရမည်ကို သိခြင်းသည် ကြီးမြတ်သောအရာ ဖြစ်ပါသည်။ ကျွန်ုပ်တို့သည် ဘုရားသခင်၏အသစ်ဖန်ဆင်းခြင်း၌ လူသစ်များ ဖြစ်ကြပါသည်။ ကျွန်ုပ်တို့၏အသက်၊ အနာဂတ်နှင့်အမွေအားလုံးတို့သည် ဘုန်းအသရေနှင့်ချီးမြောက်ခံရသည့် ယေရှုခရစ်တော်၌ ရှိပါ သည်။ ခရစ်တော်သည် ကျွန်ုပ်တို့၏““အလုံးစုံသောအရာ””ဖြစ်ပါသည်။ သူသည် ကျွန်ုပ်တို့၏စိတ်နှလုံးကို လုံးဝ ကျေနပ် စေပါသည်။ ဤသည်မှာ ကျွန်ုပ်တို့ဝမ်းမြောက်ခြင်း၏လျှို့ဝှက်ချက်ဖြစ်ပါသည်။ ကျွုန်ုပ်တို့သည် ဘုရားသခင်၌၀မ်းမြောက် ပါသည်။ ကျမ်းစာက ““ဘုရားသခင်၌အစဉ်မပြတ်ဝမ်းမြောက်ခြင်းရှိကြလော့။ တဖန်ငါဆိုသည်ကား၊ ၀မ်းမြောက်ကြ လော့””  ဖိ ၄း၎
            ကျွန်ုပ်တို့သည် ပြဿနာများ၊ စုံစမ်းခြင်းတို့နှင့်ပြည့်သော ကမ္ဘာလောကကြီးတွင် နေထိုင်သူများဖြစ်သည်။ သို့သော် ကျွန်ုပ်တို့၏စိတ်နှလုံး၊ ၀ိညာဉ်ထဲ၌၀မ်းမြောက်ခြင်းသာရှိသော အခြားမြင်ကွင်းတစ်ခုကို ခရီးပြုခဲ့ပြီးပါပြီး။ ကျွန်ုပ် တို့သည် ခရစ်တော်၌၀မ်းမြောက်ကြပါသည်။ ကျွန်ုပ်တို့၏အမွေသည် ထိုနေရာ၌ရှိကြောင်း ကျွန်ုပ်တို့သိပါသည်။ ကျမ်းစာက ““ထိုသခင်ကိုသင်တို့သည် မမြင်ဘူးသော်လည်းချစ်ကြ၏။ ယခုမှာလဲမမြင်ဘဲလျက်၊ ယုံကြည်သော အားဖြင့် ဘုန်းအသရေနှင့်စပ်ဆိုင်သော၊ ပြော၍မမှီနိုင်သော ရွှင်လန်းခြင်းစိတ်နှင့်ဝမ်းမြောက်ကြသည်”” ၁ပေ ၁း၈
            ကျွန်ုပ်တို့သည် ဘုန်းအသရေပြည့်ပြီး၊ ပြော၍မမှီနိုင်သော၊ ရွှင်လန်းခြင်းနှင့်ပြည့်စုံရန်၊ ဘုရားသခင်၏လက်ျာ ဖက်လက်၌ထိုင်နေသော ခရစ်တော်ရှိရာအရပ်၌ရှိသောအရာများကို ရှာရပါမည်။ ကျွန်ုပ်တို့သည် ဤလောကတွင်ရှိသော အရာများနှင့်ဝမ်းမြောက်ခြင်းတို့ကို ရှာလျှင် စိတ်ပျက်ရပါလိမ့်မည်။ ကျွန်ုပ်တို့သည် အထက်အရာများကို ချစ်မြတ်နိုးပါက ကျွန်ုပ်တို့၏နှလုံးသားတို့သည် ခရစ်တော်ရှိရာဝမ်းမြောက်ရသောမင်္ဂလာမြင်ကွင်းသို့ ချီးမြှောက်ခြင်းခံရပါမည်။
            ဘုရားသခင်သည် ယုံကြည်ခြင်းနှင့် ၀ိညာဉ်တော်တန်ခိုးအားဖြင့် ကျွန်ုပ်တို့၏စိတ်နှလုံးထဲ၌ ကောင်းကင်ဝမ်း မြောက်ခြင်းနှင့်ငြိမ်သက်ခြင်းကိုပေးခြင်းအားဖြင့် ကျွန်ုပ်တို့၏အကြောင်းအရာနှင့်ကမ္ဘာပေါ်ရှိ အရာတို့ထက် သာလွန်၍ ကျွန်ုပ်တို့ကြည့်မြင်ကြပါလိမ့်မည်။ ကျွန်ုပ်တို့၏စိတ်နှလုံးကို မကြာမှီ ခရစ်တော်နှင့်ထာဝစဉ် ကျွန်ုပ်တို့ပိုင်မည့်ဘုန်းအသ ရေ ကိုမြော်လင့်သောစိတ်နှင့်ပြည့်ဝနေစေရန် ဘုရားသခင်အလိုရှိသည်။ ကျမ်းစာက ““ငါတို့အသက်တည်းဟူသော ခရစ်တော်သည် ထင်ရှားတော်မူသောအခါ၊ ငါတို့သည်လည်း ထိုသခင်နှင့်အတူဘုန်းကြီး၍ထင်ရှားရလတံ့။”” ကော ၃း၎ ချစ်သူ၊ ဘုရားသခင်အလိုတော်ရှိသည်မှာ ယုံကြည်ခြင်းအားဖြင့် ကျွန်ုပ်တို့သည် ၀မ်းမြောက်ခြင်း၊ ငြိမ်သက်ခြင်းနှင့်ပြည့် ၀ဖို့ဖြစ်ပါသည်။ ထို့ပြင် သန့်ရှင်းသောဝိညာဉ်တာ်၏တန်ခိုး၌လည်း မြော်လင့်ခြင်းများစွာ ရှိရန်ဖြစ်ပါသည်။
မေးခွန်းများ
၁။ ကျွန်ုပ်တို့၌မှားယွင်းမှုများ၊ မအောင်မြင်မှုများရှိလျက် ဘုရားသခင်သည် အဘယ်ကဲ့သို့ ကျွန်ုပ်တို့၌၀မ်းမြှောက်နိုင် ပါသနည်း။                                                                                                                                          
    (က) ကျွန်ုပ်တို့ကိုခရစ်တော်၌မြင်၍ ကျွန်ုပ်တို့ကိုချစ်သောကြောင့်                                                        
    (ခ) ကျွန်ုပ်တို့၏အမှားများနှင့်ရှုံးနှိမ့်မှုများကို မသိဟန်ဆောင်သည်။
၂။ လူတစ်ယောက်၌ ၀မ်းမြှောက်နိုင်မည့် နည်းလမ်း                                                                                           
    (က) သူတို့ကိုပြောင်းလဲစေရမည်။                                                                                                
    (ခ) ၄င်းတို့၏အမှား၊ ရှုံးနိမ့်မှုတို့ကိုမထောက်ထားဘဲ ၄င်းတို့ကိုချစ်ရမည်။
၃။ ဘုရားသခင်သည် သူ၏မေတ္တာကိုကျွန်ုပ်တို့အပေါ်ကျရောက်စေခြင်းမှာ
    (က) ဘုရားသခင်ဝမ်းမြှောက်သည့်အတွက်
    (ခ) ကျွန်ုပ်တို့သည် အခြားသူများထက်ကောင်းကြောင်းသိလို့
၎။ ဘုရားသခင်သည် ကျွန်ုပ်တို့ကိုချစ်ခဲ့သည်မှာ                                                                                   
    (က) ကျွန်ုပ်တို့မမွေးမှီရှေးကတည်းက                                                                                           
    (ခ) ကျွန်ုပ်တိုက အဘယ်ကဲ့သို့ ပြောင်းလဲလာမည်ကို တွေ့ပြီးနောက်
၅။ ကျွန်ုပ်တို့အတွက် ဘုရား၏မေတ္တာသည်                                                                                         
    (က) ခရစ်ယာန်အသက်တာကိုမည်ကဲ့သို့နေထိုင်သည်အပေါ်မူတည်သည်။                                             
    (ခ)  အကန့်အသတ်မရှိ၊ ပြောင်းလဲခြင်းမရှိ
၆။ဘုရားသခင်သည်ကျွန်ုပ်တို့ကိုချစ်မှန်းကျွန်ုပ်တို့သိရသည့်အကြောင်းမှာ                                             
    (က) ကျွန်ုပ်တို့ကို ကောင်းသောကျမ်းမာရေးပေးခြင်း၊ အသက်တာတွင် ပျော်ရွှင်သော အခြေအနေတို့ကို ပေးသော   
           ကြောင့် ဖြစ်ပါသည်။
     (ခ) လက်ဝါးကပ်တိုင်ပေါ်တွင် ခရစ်တော်အသေခံခြင်းနှင့် ကျွန်ုပ်တို့၌ကိန်းဝပ်နေသောသန့်ရှင်းသော ၀ိညာဉ်တော်  
          ကြောင့်ဖြစ်ပါသည်။
၇။ ကြောက်ရွံ့ခြင်းအချုပ်အနှောင်မှကျွန်ုပ်တို့ကို မည့်သည့်အရာကလွှတ်မြောက်စေပါသနည်း။             
    (က) ကျွန်ုပ်တို့၏အသက်တာကိုမှန်အောင်ပြုပြင်ခြင်း                        
    (ခ)  ဘုရားသခင်၏သမ္မာတရား
၈။ဘုရားသခင်မေတ္တာတော်၏အမှန်တရားသည်                                                                          
   (က) ကျွန်ုပ်မည်သူမည်ဝါဖြစ်ကြောင်း၊ မည်သည့်လုပ်ဆောင်မှုကြောင့်မဟုတ်ဘဲ ဘုရားသခင်သည်မေတ္တာရှင် ဖြစ်သော  
          ကြောင့်ပေတည်း။                                                                                                         
   (ခ)   ကျွန်ုပ်မည်သူမည်ဝါနှင့်လုပ်ဆောင်သောအမှုတို့ကြောင့် ဘုရားသခင်သည် ကျွန်ုပ်ကိုချစ်ပါသည်။
၉။ ဘုရားသခင်ကိုမနာခံသောအခါ                                                                                                    
   (က) ကျွန်ုပ်တို့သည် ကိုယ်ကိုကိုယ်ဘုရားသခင်၏ချစ်ခြင်းမေတ္တာမှ ထုတ်ယူလိုက်သည်။                             
   (ခ) ကျွန်ုပ်တို့သည် ကိုယ်ကိုကိုယ်ဘုရားသခင်ချစ်ခြင်းမေတ္တာကို ခံစားခြင်းမှ ထုတ်ယူလိုက်သည်။
၁၀။ ဘုရားသခင်၌ပျော်ရွှင်ခံစားသောနည်းမှာ                                                                                      
     (က) သူ့အား အလွန်ချစ်ခြင်း                                                                                                     
     (ခ) ပျော်ရွှင်စွာနေပြီး အနာဂတ်အတွက် စိတ်မပူခြင်း

0 comments:

Post a Comment